ସମ୍ବଲପୁର: ଦିନ ଦ୍ବିପହରରେ ଯୁବକଙ୍କୁ ଭୁଜାଲି ମାଡ । ସମ୍ବଲପୁର ପାଞ୍ଚ ଗଛିଆ ନିକଟରେ ଗୁରୁବାର ଅପରାହ୍ନରେ ସମ୍ବଲପୁରର ନନ୍ଦାପଡାର ଜଣେ ଯୁବକଙ୍କୁ ପୂର୍ବ ଶତ୍ରୁତାକୁ କେନ୍ଦ୍ରକରି ଅନ୍ୟ ଜଣେ ଯୁବକ ଭୁଜାଲିରେ ଆକ୍ରମଣ କରିଛନ୍ତି । ଭୁଜାଲିଟି ଯୁବକଙ୍କ ପେଟରେ ଲାଗି ରହିଯାଇଥିବା ବେଳେ ତାଙ୍କୁ ବୁର୍ଲା ମେଡ଼ିକାଲରେ ଭର୍ତ୍ତି କରାଯାଇଛି ।
ଯୁବକ ଜଣକ ଗୁରୁତର ଆହତ ଥିବା ଜଣା ପଡ଼ିଛି । ଆହତ ଯୁବକ ଜଣକ ହେଲେ ସୌରଭ ନନ୍ଦ । ଏନେଇ ଖବର ପାଇ ସମ୍ବଲପୁର ଅଇଁଠାପାଲି ପୋଲିସ କିଛି ଲୋକଙ୍କୁ ଅଟକ ରଖି ପଚରା ଉଚରା ଜାରି ରଖିଛି । ତେବେ ଲକଡାଉନ ସମୟରେ ଏହି ଘଟଣା ଏବେ ପୋଲିସର କାର୍ଯ୍ୟକୁଶଳତା ଉପରେ ପ୍ରଶ୍ନବାଚୀ ସୃଷ୍ଟି କରିଛି।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
