ସମ୍ବଲପୁର: ଚାଉଁରପୁର ବ୍ରିଜରୁ ଡେଇଁ ଡେଇଁ ନିଖୋଜ ଥିବା ବ୍ୟକ୍ତି ଉଦ୍ଧାର । ସମଲେଇ ମନ୍ଦିର ଘାଟରୁ ଉଦ୍ଧାର କଲେ ଅଗ୍ନିଶମ କର୍ମଚାରୀ । ସେଲଫି ନେବାବେଳେ ମହାନଦୀକୁ ଖସିପଡିଥିଲେ । ଉଦ୍ଧାର ହୋଇଥିବା ବ୍ୟକ୍ତି ଜଣକ ସମ୍ବଲପୁର ବୁଢାରାଜା ଅଞ୍ଚଳ SRIT କଲୋନୀର ସୁରେନ୍ଦ୍ର ମୋହନ ମିଶ୍ର ବୋଲି ଜଣାପଢିଛି ।
ସୂଚନା ଅନୁଯାୟୀ, ସମ୍ବଲପୁରର କଚେରୀ ଛକରୁ ଚାଉଁରପୁର ଅଞ୍ଚଳକୁ ସଂଲଗ୍ନ କରୁଥିବା ଦ୍ଵିତୀୟ ମହାନଦୀ ସେତୁ ଉପରୁ ମହାନଦୀକୁ ଡେଇଁ ପଡିଥିଲେ ବ୍ୟକ୍ତି ଜଣକ । ତେବେ ନଦୀକୁ ଡେଇଁବା ଖବରପାଇ ଅଗ୍ନିଶମ ବାହିନୀ ଓ ପୋଲିସକୁ ତୁରନ୍ତ ଖବର ଦେଇଥିଲେ ସ୍ଥାନୀୟ ଲୋକେ । ଘଟଣା ସ୍ଥଳରେ ପୋଲିସ ପହଞ୍ଚି ଥିବା ବେଳେ ଅଗ୍ନିଶମ ବିଭାଗର କର୍ମଚାରୀ ସର୍ଚ୍ଚ ଅପରେଶନ ଆରମ୍ଭ କରିଥିଲେ l ଏବେ ଉଦ୍ଧାର ପରେ ସେଲଫି ନେବାବେଳେ ବ୍ୟକ୍ତି ଜଣଙ୍କ ଖସିପଡିଥିବା କହିଛନ୍ତି । ତେବେ ସେ ଆଉ ବଞ୍ଚିବେ ବୋଲି ଭାବିନଥିଲେ ବୋଲି କହିଛନ୍ତି l ବାର୍ତ୍ତମାନ ମହାନଦୀରେ ଅଧିକ ପାଣି ନ ଥିବା ଯୋଗୁଁ ସେ ନଦୀ ଭିତରେ ଥିବା ଏକ ଛୋଟ ଗଛକୁ ଧରି ନଦୀ ଶ୍ରୋତ ଭିତରେ ନି କୁ ଅଟକାଇ ରଖିଥିଲେ ବୋଲି କହିଛନ୍ତି l
ପ୍ରକାଶ ଥାଉକି, ରାଜ୍ୟରେ ଆତ୍ମହତ୍ୟା ପ୍ରବଣତା ବଢିବାରେ ଲାଗିଛି । ମହାନଦୀକୁ ଡେଇଁବା ଯେମିତି ନୂଆ ଟ୍ରେଣ୍ଡ୍ ପାଲଟିଛି । ପାରିବାରିକ କଳହକୁ ନେଇ ହେଉ କିମ୍ବା ପ୍ରେମ ବ୍ୟାପାରକୁ ନେଇ ଅନେକ ସମୟରେ ଯୁବକ ଯୁବତୀ ମହାନଦୀକୁ ଡେଇଁ ପଡୁଛନ୍ତି । ପ୍ରତିଦିନ ନଦୀରେ ନିଖୋଜ ଘଟଣା ସାମ୍ନାକୁ ଆସୁଛି । ସେହିପରି ଅନେକ ସମୟରେ ଲୋକେ ଗାଧୋଇବା ବେଳେ ଅସାବଧାନତା ବଶତଃ ନଦୀରେ ବୁଡ଼ି ଯାଉଛନ୍ତି ।
ଏହା ମଧ୍ୟ ପଢନ୍ତୁ - ମୁଣ୍ଡଳି ବ୍ରିଜରୁ ମହାନଦୀକୁ ଡେଇଁ ଯୁବକ ନିଖୋଜ : ଥୁଆ ହୋଇଛି ବାଇକ୍
ସେହିପରି ଗତ ମାସରେ କଟକ ଜିଲ୍ଲା ଆଠଗଡ଼ ମୁଣ୍ଡଳି ବ୍ରିଜରୁ ଜଣେ ଯୁବକ ମହାନଦୀକୁ ଡେଇଁ ପଡିଥିଲେ । ଶାଶ୍ବତ ଆଠଗଡ଼ ମୁଣ୍ଡଳୀ ବ୍ରିଜ ଉପରେ ନିଜର ମୋଟର ସାଇକେଲ ରଖି ମହାନଦୀକୁ ଡେଇଁ ପଡିଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଥିଲେ । ସେହିପରି କୁଆଖାଇ ନଦୀରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଥିଲା । ଯୁବକ ଜଣ ବାଙ୍କି ଅଞ୍ଚଳର ହୋଇଥିବା ବେଳେ ସେ ମହାନଦୀରେ ନିଖୋଜ ହୋଇଯାଇଥିଲେ । ଦୁଇ ଦିନ ପରେ କୁଆଖାଇରୁ ତାଙ୍କର ମୃତଦେହ ମିଳିଥିଲା ।
ଇଟିଭି ଭାରତ, ସମ୍ବଲପୁର
