ସମ୍ବଲପୁର: ଆଜି ବି ନିଖୋଜ ବାଳିକାଙ୍କ ପତ୍ତା ମିଳୁନି । ଗତ ରବିବାର ସମ୍ବଲପୁର ବଡ଼ବଜାରର ସଡକ ଘାଟରେ ମହାନଦୀରେ ବୁଡି ଯାଇ ନିଖୋଜ ଥିବା ବାଳିକାଙ୍କ ସୋମବାର ପତ୍ତା ମିଳିପାରି ନାହିଁ ।
ଭିଡିଓ ସୌଜନ୍ୟ:ସମ୍ବାଦଦାତା, ସମ୍ବଲପୁର
ତେବେ ଗତ ରବିବାର ସନ୍ଧ୍ୟା ପର୍ଯ୍ୟନ୍ତ ସର୍ଚ୍ଚ ଅପରେସନ ଚାଲିଥିବା ବେଳେ ସୋମବାର ପୁଣି ଆରମ୍ଭ ହୋଇଛି ସର୍ଚ୍ଚ ଅପରେସନ। ସମ୍ବଲପୁର ଅଗ୍ନିଶମ ବିଭାଗ ଓ ଓଡ୍ରାଫ୍ଟ ଟିମ ଆଜି(ସୋମବାର) ବି ମହାନଦୀରେ ସର୍ଚ୍ଚ ଅପରେସନ ଆରମ୍ଭ କରିଛି।
ସୂଚନାଯୋଗ୍ୟ, ଗତ ରବିବାର ପ୍ରାୟ ଦିନ 11 ଟା ସମୟରେ ବଡ଼ ବଜାର ଅଞ୍ଚଳର 6 ଜଣ ବାଳିକା ମହାନଦୀ ସଡ଼କ ଘାଟକୁ ଗାଧୋଇବା ପାଇଁ ଯାଇଥିବା ବେଳେ ମହାନଦୀରେ ଭାସି ଯାଇଥିଲେ। ତେବେ ସୌଭାଗ୍ୟବଶତଃ 5 ଜଣଙ୍କୁ ସ୍ଥାନୀୟ ଯୁବକ ଓ ଅଗ୍ନିଶମ ବିଭାଗ ଉଦ୍ଧାର କରିବାକୁ ସଫଳ ହୋଇଥିବା ବେଳେ ପିଙ୍କି ବିଶ୍ବକର୍ମା ନାମକ ଜଣେ ନାବାଳିକା ନିଖୋଜ ହୋଇଯାଇଥିଲେ।
ସମ୍ବଲପୁରରୁ ବାଦଶାହା ଜୁସ୍ମନ ରାଣା, ଇଟିଭି ଭାରତ
