ସମ୍ବଲପୁର: ସ୍ଥାନୀୟ ରେଢ଼ାଖୋଲ ଅଞ୍ଚଳରେ ବାଘ ଚମଡା ଚୋରା ଚାଲାଣ ରାକେଟ ସକ୍ରିୟ । ଏହି ଅଞ୍ଚଳରୁ ଏକ କଲରାପତରିଆ ବାଘର ଚମଡା ଜବତ ହେବା ସହ ଜଣକୁ ଗିରଫ କରିଛି ସ୍ଥାନୀୟ ପୋଲିସ ।
ଭିଡିଓ ସୌଜନ୍ୟ- ସମ୍ବାଦାଦାତା, ସମ୍ବଲପୁର
ସମ୍ବଲପୁର ଜିଲ୍ଲା କିସିଣ୍ଡା ଥାନା ଅନ୍ତର୍ଗତ ଫୁଲ କୁସୁମଠାରୁ କଲରାପତରିଆ ବାଘର ଏକ ଚମଡା ଜବତ କରିଛି ରେଢ଼ାଖୋଲ ବନଖଣ୍ଡ ଓ ବାମରା ବନ୍ୟପ୍ରାଣୀ ବନଖଣ୍ଡ ବିଭାଗ । ବାଘ ଚମଡା ଚୋରା ଚାଲାଣ କରୁଥିବା ମଧୁସୂଦନ ସାହୁକୁ ଗିରଫ କରି କୋର୍ଟ ଚାଲାଣ କରାଯାଇଛି । ଏହି ଚୋରା ଚାଲାଣରେ ସମ୍ପୃକ୍ତ ଥିବା ଅନ୍ୟ ଅପରାଧୀଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଏକକାଳୀନ ସର୍ଚ୍ଚ ଅପରେସନ ଜାରି ରହିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
