ସମ୍ବଲପୁର: ଯୁଜୁମରା ପୋଲିସକୁ(jujumura police) ସଫଳତା । ଗୁରୁବାର ସନ୍ଧ୍ୟାରେ ସମ୍ବଲପୁର କଟକ 55 ନମ୍ବର ଜାତୀୟ ରାଜପଥର ଯୁଜୁମରା ତହସିଲ ଅଫିସ ଛକ ନିକଟରେ ପୋଲିସ ପାଟ୍ରୋଲିଂ କରୁଥିବା ସମୟରେ ଏକ ମହିନ୍ଦ୍ରା ପିକ ଅଫ ଗାଡିକୁ ଅଟକାଇଥିଲେ । ତେବେ ପୋଲିସକୁ ଦେଖି ଗାଡ଼ିରେ ଥିବା ଦୁଇ ଜଣ ଫେରାର ହୋଇଯାଇଥିବା ବେଳେ ଗାଡ଼ିରୁ 11 ପକେଟ ଗଞ୍ଜେଇ ଜବତ(cannabis seized) ହୋଇଥିଲା।
ଜବତ ଗଞ୍ଜେଇର ଓଜନ 2 କ୍ବିଣ୍ଟାଲ 64 କେଜି 920 ଗ୍ରାମ ହୋଇଥିବା ବେଳେ ଏହାର ଆନୁମାନିକ ମୂଲ୍ୟ 7 ଲକ୍ଷ 97 ହଜାର 100 ଟଙ୍କା ହେବ ବୋଲି ସମ୍ବଲପୁର ଏସପି ବତୁଲା ଗଙ୍ଗାଧର ଏକ ପ୍ରେସ ବିଜ୍ଞପ୍ତି ଜରିଆରେ ସୂଚନା ଦେଇଛନ୍ତି । ଏହି ଗଞ୍ଜେଇ ଚୋରା ଚାଲାଣରେ ଉତ୍ତର ପ୍ରଦେଶ ପ୍ରୟାଗରାଜ ଜିଲ୍ଲାର ଅଜୟ ପ୍ରତାପ ସିଂ ନାମକ ଜଣେ ବ୍ୟକ୍ତିଙ୍କ ସମ୍ପୃକ୍ତି ଥିବା ଜଣାପଡିଛି । ଯଥାଶୀଘ୍ର ପୋଲିସ ଅଭିଯୁକ୍ତଙ୍କୁ ଧରିବ ବୋଲି SP ସୂଚନା ଦେଇଛନ୍ତି।
ସମ୍ବଲପୁରରୁ ବାଦଶାହା ଜୁଷ୍ମନ ରଣା, ଇଟିଭି ଭାରତ
