ସମ୍ବଲପୁର: ଭିସୁଟରେ ପଶିଲା କୋରୋନା । ସମ୍ବଲପୁର ବୁର୍ଲାସ୍ଥିତ ବୀର ସୁରେନ୍ଦ୍ର ସାଏ ବୈଷୟିକ ବିଶ୍ବବିଦ୍ୟାଳୟର 5 ଜଣ ଛାତ୍ର ଶୁକ୍ରବାର କୋରୋନା ପଜିଟିଭ ଚିହ୍ନଟ ହୋଇଛନ୍ତି । ସଂକ୍ରମିତ ଛାତ୍ରଙ୍କ ସଂସ୍ପର୍ଶରେ ଆସିଥିବା ଅନ୍ୟ ଛାତ୍ରମାନଙ୍କୁ 72 ଘଣ୍ଟା ଆଇସୋଲେସନରେ ରହିବା ପାଇଁ ଛାତ୍ରାବାସ କର୍ତ୍ତୃପକ୍ଷଙ୍କ ତରଫରୁ ନିର୍ଦ୍ଦେଶ ଦିଆଯାଇଛି ।
ବୁର୍ଲା ଭିସୁଟର 5 ଛାତ୍ର କୋରୋନା ସଂକ୍ରମିତ
କୋରୋନାର ଦ୍ବିତୀୟ ଲହରୀ ନେଇ ସୁରକ୍ଷିତ ରହିବା ପାଇଁ କଟକଣା ମାନିବାକୁ ରାଜ୍ୟ ସରକାର ପରାମର୍ଶ ଦେଉଛନ୍ତି । ଏଣୁ ଭିସୁଟର ଅନ୍ୟ ଛାତ୍ରଛାତ୍ରୀମାନେ ଯତ୍ନଶୀଳ ହେବାର ଆବଶ୍ୟକତା ରହିଛି ବୋଲି ଛାତ୍ରାବାସ କର୍ତ୍ତୃପକ୍ଷ କହିଛନ୍ତି । ସେହିପରି ଛାତ୍ରଛାତ୍ରୀମାନେ କିପରି ସୁରକ୍ଷିତ ରହିବେ, ସେନେଇ ଶୁକ୍ରବାର ଏକ ଗୁରୁତ୍ବପୂର୍ଣ୍ଣ ବୈଠକ କରାଯିବ ବୋଲି କର୍ତ୍ତୃପକ୍ଷ ସୂଚନା ଦେଇଛନ୍ତି ।
ସମ୍ବଲପୁରରୁ ବାଦଶାହ ଜୁସ୍ମନ ରାଣା, ଇଟିଭି ଭାରତ
