ସମ୍ବଲପୁର: ବୁର୍ଲା ମେଡ଼ିକାଲର କାର୍ଡିଓଲୋଜି ୱାର୍ଡରେ ଅଗ୍ନିକାଣ୍ଡ । ତେବେ ବିଶେଷ କ୍ଷୟକ୍ଷତି ହେବା ପୂର୍ବରୁ ଅଗ୍ନିଶମ ବିଭାଗର ତତ୍ପରତା ଯୋଗୁ ନିଆଁକୁ ଆୟତ୍ତ କରାଯାଇଛି ।
ସମ୍ବଲପୁର ବୁର୍ଲା ଭିମସାରର କାର୍ଡିଓଲୋଜି ବିଭାଗରେ ସର୍ଟସର୍କିଟ ଯୋଗୁଁ ଅଗ୍ନିକାଣ୍ଡ ଘଟିଛି । ପୁରୁଣା ତାର ତଥା ପୁରୁଣା ୱୟାରିଂ ଯୋଗୁଁ ଏହି ସଟସର୍କିଟ ହୋଇଥିବା ଜଣାପଡ଼ିଛି । ତେବେ କିଛି ଅଘଟଣ ଘଟିବା ପୂର୍ବରୁ ମେଡ଼ିକାଲ କର୍ମଚାରୀ ମାନେ ଅଗ୍ନିଶମ ବିଭାଗକୁ ଖବର ଦେଇଥିଲେ ।
ଅଗ୍ନିଶମ କର୍ମଚାରୀ ମାନେ ଆସି ନିଆଁ କୁ ଆୟତ୍ତ କରିଥିଲେ । ନିଆଁ ଲାଗିବା ଫଳରେ କିଛି ସମୟ ପର୍ଯ୍ୟନ୍ତ ଭିମସାର ଅନ୍ଧାର ହୋଇଯାଇଥିଲା । ଏସଏନସିୟୁ, ଗାଇନିକ, ଏବଂ କିଛି ୱାର୍ଡ ଅନ୍ଧକାରରେ ରହିଛି । ଏହି ବିଭାଗରେ ପୂର୍ବରୁ ମଧ୍ୟ ନିଆଁ ଲାଗି ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିଲା ।
ପୂର୍ବରୁ ମଧ୍ୟ ବୁର୍ଲା ମେଡ଼ିକାଲର ବିଭିନ୍ନ ୱାର୍ଡରେ ଏମିତି ନିଆଁ ଲାଗିଥିବାର ନଜିର ରହିଛି ।ତେଣୁ ଏନେଇ ମେଡ଼ିକାଲ କର୍ତ୍ତୃପକ୍ଷ ଅଧିକ ନିରାପତ୍ତା ବ୍ୟବସ୍ଥା ଗ୍ରହଣ କରିବା ଉଚିତ ବୋଲି ଦାବି ହୋଇଛି ।
ସମ୍ବଲପୁରରୁ ବାଦଶାହ ଜୁସ୍ମନ ରାଣା, ଇଟିଭି ଭାରତ
