ସମ୍ବଲପୁର: ଜିଲ୍ଲାରେ ଥମିବାର ନାଁ ଧରୁନି ବଣୁଆ ହାତୀଙ୍କ ଉପଦ୍ରବ । ବିଶେଷକରି ସମ୍ବଲପୁର ସଦର ଫରେଷ୍ଟ ରେଞ୍ଜ ଅଧିନରେ ଲଗାତାର ହାତୀଙ୍କ ଉପଦ୍ରବ ପାଇଁ ଲୋକେ ଅସୁବିଧାର ସମ୍ମୁଖୀନ ହୋଉଛନ୍ତି । ରେଞ୍ଜ ଅନ୍ତର୍ଗତ ମୁଣ୍ଡେର ଓ ବ୍ରାହ୍ମଣୀପାଲି ଗାଁରେ ଗତ ରାତିରେ ବଣୁଆ ହାତୀ ଗ୍ରାମକୁ ପଶି ଆସି ଲୋକଙ୍କ ଘର ଦ୍ବାର ଓ ଆସବାବପତ୍ର ଭାଙ୍ଗି ବିଶେଷ କ୍ଷୟକ୍ଷତି କରିଥିବା ଅଭିଯୋଗ ହୋଇଛି । ଏଥିପାଇଁ ଲୋକେ ଭୟର ବାତାବରଣରେ ରାତ୍ରିଯାପନ କରିଛନ୍ତି ।
ସମ୍ବଲପୁର ସଦର ଫରେଷ୍ଟ ରେଞ୍ଜ ଅଞ୍ଚଳରେ ହାତୀ ଉପଦ୍ରବ, ଭୟରେ ଗ୍ରାମବାସୀ
ତେବେ ସମ୍ବଲପୁର ବନବିଭାଗର ସଦର ରେଞ୍ଜ ଅଧିନରେ ଆସୁଥିବା ଏହି ସବୁ ଗ୍ରାମ ଗୁଡିକରେ ହାତୀପଲ ଆସି ବାରମ୍ବାର ଲୋକଙ୍କ କ୍ଷୟକ୍ଷତି କରୁଥିଲେ ସୁଦ୍ଧା ଏହାର ସ୍ଥାୟୀ ସମାଧାନ ପାଇଁ ବନବିଭାଗ କୌଣସି ଠୋସ ପଦକ୍ଷେପ ନେଉନଥିବା ଗ୍ରାମବାସୀ ଅଭିଯୋଗ କରିଛନ୍ତି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
