ସମ୍ବଲପୁର : ପେଟ୍ରୋଲିୟମ ସାମ୍ରଗୀ ସମେତ ଅନ୍ୟ ଅତ୍ୟାବଶକୀୟ ସାମଗ୍ରୀର ଦର ବୃଦ୍ଧିକୁ ନେଇ କଂଗ୍ରେସ ପକ୍ଷରୁ ଅଭିନବ ପ୍ରତିବାଦ କରାଯାଇଛି । ଶଗଡ଼ ଗାଡ଼ି ଉପରେ ବାଇକ ବୋହି ଆଣି ପ୍ରତିବାଦ କରିଛନ୍ତି ଦଳୀୟ କର୍ମକର୍ତ୍ତା । ଆଜି ଏପରି ଢଙ୍ଗରେ ସମ୍ବଲପୁରର ଜିଲ୍ଲା କଂଗ୍ରେସ କାର୍ଯ୍ୟାଳୟରୁ ଟାଉନ ଯୁବ କଂଗ୍ରେସର ସଦସ୍ୟମାନେ ବ୍ୟାନର ଧରି ଶୋଭାଯାତ୍ରାରେ ଜିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଆସିଥିଲେ । ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ କେନ୍ଦ୍ର ସରକାର ବିରୋଧୀ ନାରା ଦେଇ ବିକ୍ଷୋଭ ପ୍ରଦର୍ଶନ କରିବା ସହ ପ୍ରଧାନମନ୍ତ୍ରୀଙ୍କ କୁଶ ପୁତ୍ତଳିକା ଦାହ ମଧ୍ୟ କରିଥିଲେ କଂଗ୍ରେସ କର୍ମୀ ।
ଆଜିର ଏହି କାର୍ଯ୍ୟକ୍ରମରେ ରାଜ୍ୟ ଯୁବ କଂଗ୍ରେସର ସାଧାରଣ ସମ୍ପାଦକ ଆଶୁତୋଷ ସ୍ବାଇଁ, ଜିଲ୍ଲା କଂଗ୍ରେସ ଯୁବ ସଭାପତି ପ୍ଲାବନ ବହିଦାରଙ୍କ ସହ ବହୁ ଯୁବ କଂଗ୍ରେସ ସଦସ୍ୟ ସାମିଲ ହୋଇଥିଲେ । ଶେଷରେ ଜିଲ୍ଲା ପ୍ରଶାସନ ଜରିଆରେ ରାଜ୍ୟପାଳଙ୍କୁ ଏକ ଦାବିପତ୍ର ପ୍ରଦାନ କରିଛି ଦଳ ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
