ସମ୍ବଲପୁର: ସମ୍ବଲପୁରରେ ବହୁଜନ ସମାଜ ପାର୍ଟିର ଧାରଣା । ବର୍ତ୍ତମାନ ସମଲେଶ୍ୱରୀ ମନ୍ଦିର ଓ ଏହାର ଆଖପାଖ ଅଞ୍ଚଳରେ ସମଲେଇ ଯୋଜନା ପାଇଁ ଉଚ୍ଛେଦ କାର୍ଯ୍ୟ ଜାରି ରହିଥିବାବେଳେ ପାଖରେ ଥିବା ଘୁନଘୁଟି ପଡାର ଉଚ୍ଛେଦ କାର୍ଯ୍ୟ ଜାରି ରହିଛି ।
ସମଲେଇ ଯୋଜନରେ ଘୁନଘୁଟିପଡା ଉଚ୍ଛେଦକୁ ପ୍ରତିବାଦ କଲା ବିଏସପି
ମୁଖ୍ୟତଃ ଏହି ସ୍ଥାନରେ ଦଳିତ ପରିବାର ଶହଶହ ବର୍ଷ ହେଲା ରହିଆସୁଥିବା ବେଳେ ବର୍ତ୍ତମାନ ଏହି ଲୋକଙ୍କୁ ବିସ୍ଥାପିତ ହେବାକୁ ପଡୁଛି ।
ତେବେ ବିସ୍ଥାପିତ ହେଉଥିବା ଲୋକଙ୍କୁ ଉପଯୁକ୍ତ କ୍ଷତିପୂରଣ ରାଶି ପ୍ରଦାନ କରାଯାଉନଥିବା ତଥା କ୍ଷତିପୂରଣ ରାଶି ପ୍ରଦାନରେ ପାତରଅନ୍ତର କରାଯାଉଥିବା ଅଭିଯୋଗ ନେଇ ଆଜି(ସୋମବାର) ବିଏସପି ପକ୍ଷରୁ ଏହି ଧାରଣା ପ୍ରଦର୍ଶନ କରାଯାଇଛି ।
ସମ୍ବଲପୁର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଏହି ଧାରଣା ହୋଇଥିଲା । ଏହାସହ ସମଲେଇ ଯୋଜନା ନେଇ କୌଣସି ବ୍ଲୁୁପ୍ରିଣ୍ଟ ଜିଲ୍ଲା ପ୍ରଶାସନ ତରଫରୁ ଦେଖାଯାଉନଥିବା ଅଭିଯୋଗ କରିଛି ବହୁଜନ ସମାଜ ପାର୍ଟି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
