ସମ୍ବଲପୁର: ସହରରେ ପୁଣି ହତ୍ୟା । ସମ୍ବଲପୁର ହାଉସିଂ ବୋର୍ଡ କଲୋନୀ ସମ୍ମୁଖରେ ଆଜି(ରବିବାର) ସନ୍ଧ୍ୟା ପ୍ରାୟ ସାଢେ 8 ସମୟରେ ଜଣେ ବ୍ୟକ୍ତିଙ୍କୁ ଏକ ଧାରୁଆ ଅସ୍ତ୍ରରେ ଅତି ନିର୍ମମ ଭାବେ ହତ୍ୟା କରାଯାଇଛି । ମୃତ ବ୍ୟକ୍ତି ଜଣକ ହେଉଛନ୍ତି ଭୀମସେନ ଗୁରୁ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି ଏବଂ ଘଟଣାର ଛାନଭିନ ଆରମ୍ଭ କରିଛି । ତେବେ ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ହତ୍ୟାକାଣ୍ଡ ଘଟିଥିବା ପୋଲିସ ସନ୍ଦେହ କରୁଛି ।
ସମ୍ବଲପୁରରେ ପୁଣି ନିର୍ମମ ହତ୍ୟା, ପୋଲିସର ତଦନ୍ତ ଜାରି
ସୂଚନାଯୋଗ୍ୟ, ଭୀମସେନ କିଛିଦିନ ହେଲା ଅନୁଗୁଳରୁ ସମ୍ବଲପୁର ଆସିଥିଲେ । ତେବେ କାହା ସହିତ ତାଙ୍କର ଶତ୍ରୁତା ଥିଲା ଏବଂ ତାଙ୍କୁ କିଏ ହତ୍ୟା କରିଛି, ଏ ସମ୍ପର୍କରେ ଟାଉନ ପୋଲିସ ଖୋଳତାଡ ଆରମ୍ଭ କରିଛି । ତେବେ ସମ୍ବଲପୁରରେ ସପ୍ତାହକ ମଧ୍ୟରେ ଏହା ଦ୍ବିତୀୟ ହତ୍ୟାକାଣ୍ଡ ।
ସମ୍ବଲପୁରରୁ ବାଦଶାହ ଜୁସମନ ରାଣା, ଇଟିଭି ଭାରତ
