ସମ୍ବଲପୁର: ରେଢ଼ାଖୋଲ ଥାନା ଅନ୍ତର୍ଗତ ସାନ ରେଙ୍ଗାଲି ଗ୍ରାମରେ ଦୁଇ ଜଣ ବଡ଼ ଭାଇଙ୍କ ଟାଙ୍ଗିଆ ଚୋଟରେ ସାନ ଭାଇ ମୃତ । ଜମିବାଡ଼ି ବିବାଦକୁ କେନ୍ଦ୍ର କରି ଏହି ହତ୍ୟାକାଣ୍ଡ ହୋଇଥିବା ଜଣାପଡିଛି । ଘଟଣାସ୍ଥଳରେ ରେଢ଼ାଖୋଲ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଅନ୍ୟପଟେ ରେଢ଼ାଖୋଲ ପୋଲିସ ହତ୍ୟା ଅଭିଯୁକ୍ତ ଦୁଇ ଭାଇକୁ ଥାନାରେ ରଖି ପଚରାଉଚୁରା କରୁଛି ।
ହତ୍ୟା ଅଭିଯୁକ୍ତ ଦୁଇ ବଡ଼ଭାଇ ନିଜ ସାନଭାଇକୁ ପ୍ରଥମେ ଟାଙ୍ଗିଆରେ ଆକ୍ରମଣ କରିବା ସହ ପରେ ଠେଙ୍ଗାରେ ପିଟି ପିଟି ହତ୍ୟା କରିଥିବା ଅଭିଯୋଗ ହୋଇଛିି । ସୂଚନାନୁସାରେ ଗତକାଲି ରାତିରେ ଦୁଇ ବଡ଼ ଭାଇ ସିୟୁ ମୁଣ୍ଡା, ମଝିଆ ଭାଇ ଆନନ୍ଦ ମୁଣ୍ଡା ଓ ସାନଭାଇ ସଞ୍ଜୟ ମୁଣ୍ଡାଙ୍କ ମଧ୍ୟରେ ସରକାରୀ ଜମିବାଡ଼ିକୁ ନେଇ ଗଣ୍ଡଗୋଳ ହୋଇଥିଲା ।
ଏଥିରେ ବଡ଼ଭାଇ ସିୟୁ ମୁଣ୍ଡା ଏବଂ ମଝିଆ ଭାଇ ଆନନ୍ଦ ମୁଣ୍ଡା ଏକ ଟାଙ୍ଗିଆରେ ସାନ ଭାଇ ସଞ୍ଜୟ ମୁଣ୍ଡାଙ୍କୁ ହାଣି ହତ୍ୟା କରିଥିବା ଅଭିଯୋଗ ହୋଇଛି । ତେବେ ଆଜି ସକାଳୁ ହତ୍ୟା ଅଭିଯୁକ୍ତ ୨ ଭାଇକୁ ପୋଲିସ ଗିରଫ କରିଛି ।
ସମ୍ବଲପୁରରେ ବାଦଶାହା ଜୁଷ୍ମନ ରଣା, ଇଟିଭି ଭାରତ
