ସମ୍ବଲପୁର: ଆସନ୍ତା 17 ତାରିଖରେ ପ୍ରଧାନମନ୍ତ୍ରୀ ନେରେନ୍ଦ୍ର ମୋଦିଙ୍କ ଜନ୍ମଦିନ । ଏହି ଅବସରରେ ଆସନ୍ତା 14 ରୁ 20 ତାରିଖ ପର୍ଯ୍ୟନ୍ତ ବିଜେପି ସେବା ସପ୍ତାହ ପାଳନ କରିବାକୁ ଯାଉଛି । ଏନେଇ ସମ୍ବଲପୁରରେ ବିଜେପି ଏକ ପ୍ରସ୍ତୁତି ବୈଠକ ଅୟୋଜିତ ହୋଇଯାଇଛି । ଏହି ବୈଠକରେ ପଶ୍ଚିମ ଓଡିଶାର ବହୁ ବିଜେପି ନେତା ସାଂସଦ ଓ ବିଧାୟକ ଯୋଗ ଦେଇଥିଲେ ।
ସମ୍ବଲପୁର ସେନପାର୍କ ନିକଟସ୍ଥ ଓଡିଶା ସାଂସ୍କୃତିକ ସମାଜର ସମ୍ମିଳନୀ କକ୍ଷରେ ବିଜେପିର ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ବରଗଡ଼ ସାଂସଦ ସୁରେଶ ପୂଜାରୀଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ସମ୍ବଲପୁର, ଝାରସୁଗୁଡା, ବରଗଡ଼, କୁଚିଣ୍ଡା ଅଞ୍ଚଳର ବହୁ ବିଜେପି ନେତା ବିଧାୟକ, ସାଂସଦ ଓ ବିଜେପି କାର୍ଯ୍ୟକର୍ତ୍ତା ଉପସ୍ଥିତ ଥିଲେ ।
ପ୍ରଧାନମନ୍ତ୍ରୀ ମୋଦିଙ୍କ ଜନ୍ମ ଦିବସ ଅବସରରେ ଆସନ୍ତା 14 ରୁ 20 ତାରିଖ ପର୍ଯ୍ୟନ୍ତ ବିଜେପି ତରଫରୁ ପାଳିତ ହେବାକୁ ଥିବା ସେବା ସପ୍ତାହର ବିଭିନ୍ନ କାର୍ଯ୍ୟକ୍ରମ ଓ ତାର ପ୍ରସ୍ତୁତି ନେଇ ଆଲୋଚନା ହୋଇଥିଲା ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
