ସମ୍ବଲପୁର: କୋହଳ ହେଲା ଓଡ଼ିଶାରେ ହାଇକୋର୍ଟ ବେଞ୍ଚ ପ୍ରତିଷ୍ଠା ଦାବି ନେଇ ଅନେକ ଦିନରୁ ଚାଲିଥିବା ଆନ୍ଦୋଳନ । ଦୀର୍ଘ 191 ଦିନ ପରେ ଖୋଲିବ ସମ୍ବଲପୁର କୋର୍ଟ । ନିର୍ବାଚନ ପାଇଁ ଆନ୍ଦୋଳନରୁ ଓହରିଲେ ଓକିଲ ସଂଘ ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ସୂଚନା ମୁତାବକ, ମାର୍ଚ୍ଚ 15 ଠାରୁ ନିର୍ବାଚନ ଫଳାଫଳ ଘୋଷଣା ହେବା ପର୍ଯ୍ୟନ୍ତ ଆନ୍ଦୋଳନକୁ କୋହଳ ରଖାଯିବ ବୋଲି ବୁଧବାର ଏକ ଗୁରୁତ୍ବପୂର୍ଣ୍ଣ ବୈଠକରେ ନିଷ୍ପତ୍ତି ନିଆଯାଇଥିବା ସୂଚନା ମିଳିଛି । ତେବେ ମାର୍ଚ୍ଚ 15ରୁ କୋର୍ଟ ସାମୟିକ ଭାବରେ ଚାଲୁ ରହିବ । ଓକିଲମାନେ ଏଫିଡେଭିଟ ତଥା ଅନ୍ୟାନ୍ୟ କାମରେ ଯୋଗ ଦେବେ । ଏନେଇ ସମ୍ବଲପୁର ଠାରେ ଅନୁଷ୍ଠିତ ଏକ ସାଧାରଣ ପରିଷଦ ବୈଠକରେ ନିଷ୍ପତ୍ତି ନିଆଯାଇଥିବା ସିଏ ସି ସଦସ୍ୟ ସୁରେଶ୍ବର ମିଶ୍ର ପ୍ରକାଶ କରିଛନ୍ତି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
