ସମ୍ବଲପୁର: ସମ୍ବଲପୁର ଜିଲ୍ଲା ରେଢ଼ାଖୋଲ ଥାନା ଅନ୍ତର୍ଗତ କୁଟାସିଂଘାଠାରେ ଓଲଟିଲା ଯାତ୍ରୀବାହୀ ବସ। ଏହି ଘଟଣାରେ କାହାରି ମୃତ୍ୟୁ ହୋଇନଥିବା ବେଳେ 5 ଗୁରୁତର ଆହତ ଓ 12 ଜଣ ସାମାନ୍ୟ ଆହତ ହୋଇଛନ୍ତି।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ସୂଚନା ଅନୁଯାୟୀ, ଶୁକ୍ରବାର ଅନୁଗୁଳରୁ ସମ୍ବଲପୁର ଆସୁଥିବା ଏସ୍ କୁମାର ବସଟି ଷ୍ଟେୟାରିଂ ଫେଲ ହୋଇଯିବାରୁ ଭାରସାମ୍ୟ ହରାଇ ସମ୍ବଲପୁର ରେଢ଼ାଖୋଲ ଥାନା ଅନ୍ତର୍ଗତ କୁଟାସିଂଘା ଗାଁ 55 ନମ୍ବର ଜାତୀୟ ରାଜପଥରେ ଓଲଟି ପଡିଥିଲା।
ବସରେ 15ରୁ 20 ଜଣ ଯାତ୍ରୀ ଥିବା ବେଳେ ଏହି ଦୁର୍ଘଟଣାରେ 5 ଗୁରୁତର ଆହତ ଓ 12 ଜଣ ସାମାନ୍ୟ ଆହତ ହୋଇଛନ୍ତି। ଗୁରୁତର ଆହତ ହୋଇଥିବା ବ୍ୟକ୍ତିଙ୍କୁ ରେଢ଼ାଖୋଲ ଉପଖଣ୍ଡ ସରକାରୀ ଚିକିତ୍ସାଲୟରେ ଭର୍ତ୍ତି କରାଯାଇଛି। ତେବେ ଏହି ର୍ଦୁଘଟଣାରେ କେହି ମୃତାହତ ହୋଇନଥିବା ଜଣାପଡିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରାଣା, ଇଟିଭି ଭାରତ
