ସମ୍ବଲପୁର: ଝାରସୁଗୁଡା ରୋଡ଼ ଷ୍ଟେସନରେ ଜଣେ ନାବାଳିକା ଉଦ୍ଧାର ଘଗଣାରେ 7ଜଣ ଗିରଫ । ସମ୍ବଲପୁର ଆରପିଏଫ ଦ୍ବାରା ଝାରସୁଗୁଡା ରୋଡ଼ ଷ୍ଟେସନରେ ଜଣେ ନାବାଳିକା ଉଦ୍ଧାର ଘଟଣାରେ ବୁର୍ଲା ପୋଲିସ 7 ଜଣକୁ ଗିରଫ କରି କୋର୍ଟ ଚାଲାଣ କରିଛି ।
ସୂଚନାଯୋଗ୍ୟ ଯେ, ବୁଧବାର ଝାରସୁଗୁଡା ରୋଡ଼ ଷ୍ଟେସନରୁ ସମ୍ବଲପୁର ଆରପିଏଫ ଜଣେ ନାବାଳିକାକୁ ଉଦ୍ଧାର କରିବା ସହ 7 ଅଭିଯୁକ୍ତକୁ ଧରି ବୁର୍ଲା ପୋଲିସକୁ ହସ୍ତାନ୍ତର କରିଥିଲେ ।
ଟ୍ରେନରୁ ନାବାଳିକା ଉଦ୍ଧାର ଘଟଣା
ବୁର୍ଲା ପୋଲିସ ଘଟଣାର ତଦନ୍ତ କରି ଏହି 7 ଜଣ ଅଭିଯୁକ୍ତଙ୍କୁ ଅପହରଣ ମାମଲା ରୁଜୁ କରି କୋର୍ଟ ଚାଲାଣ କରିଛି । ସମସ୍ତ ଅଭିଯୁକ୍ତ ମଧ୍ୟପ୍ରଦେଶର ସାଗର ଅଞ୍ଚଳ ବୋଲି ଜଣାପଡିଛି । ତାଙ୍କ ପାଖରୁ 25 ହଜାର ଟଙ୍କା ଜବତ ହୋଇଛି । ଅଭିଯୁକ୍ତମାନେ ନାବାଳିକାର ସମ୍ପର୍କୀୟଙ୍କୁ ପ୍ରଲୋଭିତ କରି ଝିଅକୁ ସାଥିରେ ନେଇ ଯାଉଥିବା ସମୟରେ ସମ୍ବଲପୁର ଆରପିଏଫ ଏମାନଙ୍କୁ ଧରିଥିଲା ।
ସମ୍ବଲପୁରରୁ ବାଦଶା ଜୁସ୍ମନ ରଣା, ଇଟିଭି ଭାରତ
