ସମ୍ବଲପୁର: ପାଟୁଆପାଲି ଛକ ନିକଟରେ ସଡକ ଦୁର୍ଘଟଣା । ସମ୍ବଲପୁର-ସୋନପୁର ରାଜ୍ୟ ରାଜପଥ ନିକଟରେ ଟ୍ରକ ଧକ୍କାରେ ସାଇକେଲ ଆରୋହୀଙ୍କ ମୃତ୍ୟୁ ହୋଇଛି । ମୃତକ ଜଣକ ହେଲେ ଖୁଣ୍ଟିଚକୁଳି ଗାଁର ପୂର୍ଣ୍ଣଚନ୍ଦ୍ର ପଣ୍ଡା ।
ମିଳିଥିବା ସୂଚନା ଅନୁସାରେ, ପୂର୍ଣ୍ଣଚନ୍ଦ୍ର ଆଜି ସକାଳୁ ବାଡେଇମୁରା ସାପ୍ତାହିକ ହାଟକୁ ସାଇକେଲ ଯୋଗେ ପରିବା ଆଣିବାକୁ ଯାଉଥିଲେ । ଏହି ସମୟରେ ସୋନପୁର ପଟୁ ଆସୁଥିବା ଏକ ଟ୍ରକ ପଛପଟୁ ଧକ୍କା ଦେଇଥିଲା । ଫଳରେ ଉକ୍ତ ବ୍ୟକ୍ତିଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି ।
ଅନ୍ୟପଟେ, ଦୁର୍ଘଟଣା ଘଟିବାର କିଛି ସମୟ ପରେ ଘଟଣାସ୍ଥଳରେ ଉତ୍ତେଜନା ଦେଖାଯାଇଥିଲା । ଧମା ପୋଲିସ ସେଠାରେ ପହଞ୍ଚି ଲୋକଙ୍କୁ ବୁଝା ସୁଝା କରି ସ୍ଥିତିକୁ ସ୍ୱାଭାବିକ କରିଥିଲା । ପରବର୍ତ୍ତୀ ସମୟରେ ଧମା ପୋଲିସ ମୃତଦେହ ବ୍ୟବଚ୍ଛେଦ ପାଇଁ ବୁର୍ଲା ମେଡିକାଲକୁ ପଠାଇଛି ।
ସମ୍ବଲପୁରରୁ ବାଦଶାହା ଯୁଷ୍ମନ ରଣା,ଇଟିଭି ଭାରତ
