ସମ୍ବଲପୁର: କ୍ଷେତରାଜପୁର ଥାନା ଅଞ୍ଚଳର ଜୁଆ ଆଡ୍ଡା ଉପରେ ପୋଲିସର ଚଢାଉ । ଦୁଇଟି ସ୍ଥାନରେ ଚଢାଉ କରି 9 ଜଣ ଜୁଆଡିକୁ ଗିରଫ କରିଛି ପୋଲିସ । କ୍ଷେତରାଜପୁର ଥାନା ଅନ୍ତର୍ଗତ ବଙ୍ଗାଳିପଡାରେ ଜୁଆ ଖେଳାଯାଉଥିବା ନେଇ ପୋଲିସ ଏକ ବିଶ୍ବସ୍ତ ସୂତ୍ରରୁ ଜାଣିବାକୁ ପାଇଥିଲା । ଏନେଇ ପୋଲିସ ଏକ ମାମଲା ରୁଜୁ କରି ପଙ୍କପଡାର ପାପୁଲ ଦାଶ ଓରଫ ଛୋଟା ଡନ, ଚନ୍ଦନ ନଗରର ଆକାଶ ଦାଶ ଏବଂ ବଙ୍ଗାଲିପଡାର ମଣ୍ଟୁଦାଶକୁ ଗିରଫ କରାଯାଇଛି ।
ଗିରଫ ଅଭିଯୁକ୍ତଙ୍କ ଠାରୁ ନଗଦ ୧୧୨୦ ଟଙ୍କା ଓ ୫୨ଟି ତାସ କାର୍ଡ ଜବତ କରିଛି । ସେହିଭଳି ଅନ୍ୟ ଏକ ମାମଲାରେ ପୋଲିସ ବଙ୍ଗାଳିପଡାରେ ଜୁଆ ଆଡ୍ଡା ଉପରେ ଚଢାଉ କରି ୬ ଜଣ ଜୁଆଡିଙ୍କୁ ଧରିଛି । ଗିରଫ ଜୁଆଡିମାନେ ହେଲେ ବଙ୍ଗାଲିପଡାର ସୁଶାନ୍ତ କର୍ମକାର, ନିର୍ମଳ ଦତ୍ତ ,କିଶୋର ଦାଶ, ରାଜେଶ ମାଝୀ , ନିତ୍ୟା ଚୌଧିରୀ ଏବଂ ଗଣେଶ ଦାସ ବୋଲି ପୋଲିସ ସୂଚନା ଦେଇଛି । ଜୁଆଡିଙ୍କ ଠାରୁ ନଗଦ ୧୦ ହଜାର ୪ ଶହ ଟଙ୍କା ସମେତ ୫୨ଟି ତାସ କାର୍ଡ ଜବତ କରାଯାଇଛି ।
ଆଗକୁ ମଧ୍ୟ ଏହି ଚଢାଉ ଜାରି ରହିବ ବୋଲି କ୍ଷେତରାଜପୁର ଥାନା ଅଧିକାରୀ ମମତା ନାଏକ ସୂଚନା ଦେଇଛନ୍ତି।
ସମ୍ବଲପୁପରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
