ସମ୍ବଲପୁର: ଯୁଜୁମୁରା ବ୍ଲକ ନାବାଳିକା ଦୁଷ୍କର୍ମ ମାମଲାରେ ପ୍ରକାଶ ପାଇଲା ରାୟ । ସ୍ବତନ୍ତ୍ର ପୋକ୍ସୋ କୋର୍ଟ (POCSO Court ) ଆଜି(ଶୁକ୍ରବାର) ଏହି ମାମଲାର ରାୟ ପ୍ରକାଶ କରିଛନ୍ତି । ଅଭିଯୁକ୍ତକୁ ଦୋଷୀ ସାବ୍ୟସ୍ତ କରିବା ସହ ୧୦ ବର୍ଷ ସଶ୍ରମ କାରାଦଣ୍ଡାଦେଶ ଶୁଣାଇଛନ୍ତି । ଏଥିସହ ୧୫ ହଜାର ଟଙ୍କା ଜୋରିମାନା ପକାଇଛନ୍ତି ADJ ତଥା ପୋକ୍ସୋ ସ୍ବତନ୍ତ୍ର ବିଚାରପତି । ଦୋଷୀ ସାବ୍ଯସ୍ତ ହୋଇଥିବା ଅଭିଯୁକ୍ତ ଜଣକ ହେଲେ ସଞ୍ଜୀବ ବାଗ ।
ସୂଚନା ଅନୁସାରେ, 2014 ମସିହାରେ ଯୁଜୁମୁରା ଥାନା ଅଞ୍ଚଳରେ ଜଣେ ସାଢେ ତିନି ବର୍ଷର ନାବାଳିକାକୁ 'କୁରକୁରେ' ଦେବାକୁ କହି ଡାକିନେଇ ଘରେ ଦୁଷ୍କର୍ମ କରିଥିବା ଅଭିଯୋଗ ହୋଇଥିଲା । ଏହାପରେ ନାବାଳିକାଙ୍କ ପରିବାର ଏନେଇ ଥାନାରେ ଅଭିଯୋଗ କରିଥିଲେ । ପୋଲିସ ତଦନ୍ତ କରି ଅଭିଯୁକ୍ତକୁ ଗିରଫ ପରେ କୋର୍ଟଚାଲାଣ କରିଥିଲା । ଶେଷରେ ଆଜି ଦୀର୍ଘ 8 ବର୍ଷ ପରେ ମାମଲାର ରାୟ ପ୍ରକାଶ ପାଇଛି । ଦୋଷୀକୁ 10 ବର୍ଷ ସଶ୍ରମ କାରାଦଣ୍ଡ ଶୁଣାଇଛନ୍ତି ସ୍ବତନ୍ତ୍ର ପୋକ୍ସୋ କୋର୍ଟ । ଜରିମାନା ଅନାଦେୟ ହେଲେ ୯ ମାସ ଅତିରିକ୍ତ ଜେଲ୍ରେ ରହିବାକୁ ହେବ ବୋଲି ରାୟରେ ଉଲ୍ଲେଖ କରିଛନ୍ତି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
