ରାୟଗଡା: ପ୍ରଶାସନ ପରେ ଏବେ କୋରୋନା ସଚେତନ ପଇଁ ଅଣ୍ଟା ଭିଡ଼ିଛି ଜିଲ୍ଲାର ବୃହତ ଶିଳ୍ପ ସଂସ୍ଥା ଉତ୍କଳ ଆଲୁମିନା । ରାୟଗଡାର କାଶିପୁର ବ୍ଲକ୍ ଅନ୍ତର୍ଗତ ଆଦିତ୍ୟ ବିର୍ଲା ଗ୍ରୁପ୍ର କମ୍ପାନୀ ଉତ୍କଳ ଆଲୁମିନା ଇଣ୍ଟରନ୍ୟାସନାଲ୍ ଲିମିଟେଡ୍ ପକ୍ଷରୁ କୋଭିଡ୍-୧୯ ବିରୋଧରେ ମୁକାବିଲା ପାଇଁ ଗାଁ ଗାଁରେ ମାଇକ ଯୋଗେ ଆରମ୍ଭ ହୋଇଛି ସଚେତନ କାର୍ଯ୍ୟକ୍ରମ ।
କୋଭିଡ-୧୯ ମହାମାରୀ ପାଇଁ ଉତ୍କଳ ଆଲୁମିନାର ପ୍ରସ୍ତୁତି
ଏପରିକି କାରଖାନାକୁ ଆସୁଥିବା ସମସ୍ତ କର୍ମଚାରୀଙ୍କ ଉତ୍ତାପ ରେର୍କଡ ସହ କାରଖାନାରେ ପ୍ରବେଶ ସମୟରେ ସ୍ବତନ୍ତ୍ର ଡାକ୍ତରୀ ଦଳଦ୍ବାରା ସ୍ବାସ୍ଥ୍ୟ ପରୀକ୍ଷା କରାଯାଉଛି । ତେବେ କାରଖାନା ଏବଂ ତତ୍ ସଂଲଗ୍ନ ଅଞ୍ଚଳର ଲୋକଙ୍କ ପାଇଁ କମ୍ପାନୀ ତରଫରୁ ସ୍ବତନ୍ତ୍ର ଆଇସୋଲେଟେଡ଼ ୱାର୍ଡ ଖୋଲାଯାଇ ଚିକିତ୍ସାର ସମସ୍ତ ବ୍ୟବସ୍ଥା ପାଇଁ ପ୍ରସ୍ତୁତ ଥିବା କହିଛନ୍ତି କାରଖାନା ମୁଖ୍ୟ ଏନ୍.ନାଗେସ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
