ରାୟଗଡା: ଲୁଟେରା ଗ୍ୟାଙ୍ଗକୁ ଧରିଲା ପୋଲିସ । ସିସିଟିଭି ଫୁଟେଜ ଆଧାରରେ ତିନି ଚୋରକୁ ଗିରଫ କରିଛି ପୋଲିସ । ସେମାନଙ୍କ ନିକଟରୁ ବ୍ୟାପକ ପରିମାଣରେ ସୁନା ଓ ଅଳଙ୍କାର ଜବତ କରିଛି ପୋଲିସ ।
ସୂଚନାଅନୁଯାୟୀ ରାୟଗଡା ଜିଲ୍ଲା ସଦର ବ୍ଲକ ଚାନ୍ଦିଲି ଥାନା ଅନ୍ତର୍ଗତ ପେଣ୍ଟ ପଞ୍ଚାୟତର ଅମ୍ଲାଭଟା ଅଞ୍ଚଳରୁ ଗତ ଅଗଷ୍ଟ 16 ତାରିଖ ରେ ପ୍ରଶ୍ନ କୁମାର ପ୍ରଧାନଙ୍କ ଘରୁ ପ୍ରାୟ 90 ହଜାରରୁ ଅଧିକ ଟଙ୍କା ଓ ସୁନା ଅଲଙ୍କାର ଚୋରି ହୋଇଥିବା ଥାନାରେ ଅଭିଯୋଗ ହୋଇଥିଲା l ଏନେଇ ଚାନ୍ଦିଲି ଥାନା ପକ୍ଷରୁ ତଦନ୍ତ ଚାଲିଥିଲା । ତେବେ CCTV ଫୁଟେଜକୁ ଆଧାର କରି ଆଜି 3 ଅଭିଯୁକ୍ତଙ୍କୁ ଗିରଫ କରିବାରେ ସକ୍ଷମ ହୋଇଛନ୍ତି ଚାନ୍ଦିଲି ପୋଲିସ l ଗିରଫ ଚୋର ମାନେ ସମସ୍ତେ ରାୟଗଡା ସହରର ହୋଇଥିବା ବେଳେ ସେମାନଙ୍କ ପାଖରୁ ପୋଲିସ ସୁନା କାନଫୁଲ 3 ହଳ , ଗୋଟିଏ ହାର , ଦୁଇଟି ଚେନ , ରୂପା ପାଉଁଜି ତିନି ହଳ ଜବତ କରିଛି l CCTVଫୁଟେଜ ଅନୁଯାୟୀ ଚୋରିପାଇଁ ବ୍ୟବହାର କରୁଥିବା ବାଇକ ଯାହାର ନମ୍ବର -AP31BF 7836 ପଲସର ଗାଡିକୁ ଟ୍ରାକ କରୁଥିଲା ପୋଲିସ ।
ଏହି ମୋଟର ସାଇକେଲଟି ରାୟଗଡାରେ ବୁଲୁଥିବା ଦେଖି ସନ୍ଦେହରେ ପୋଲିସ ଅଟକ ରଖି ଚୋର ମାନଙ୍କୁ ଧରିବାରେ ସକ୍ଷମ ହୋଇଥିବା କହିଛିନ୍ତି ଡିଏସପି । ତେବେ ଶୁକ୍ରବାର ଦୁଇ ଅଭିଯୁକ୍ତକୁ କୋର୍ଟ ଚାଲାଣ କରିଥିବାବେଳେ ସହ ଅନ୍ୟ ଜଣେ ଅଭିଯୁକ୍ତକୁ ଏହି ଘଟଣାର ମାଷ୍ଟରମାଇଣ୍ଡ ତାକୁ ଅଟକ ରଖି ଅଧିକ ତଦନ୍ତ ଜାରୀ ରଖିଛି ପୋଲିସ ।
ରାୟଗଡାରୁ ରଞ୍ଜନ କୁମାର ରଥ,ଇଟିଭି ଭାରତ
