ରାୟଗଡା: ମହାମାରୀ ସଂକ୍ରମଣ ମଧ୍ୟରେ ପ୍ରବାସୀ ଓଡ଼ିଆଙ୍କୁ ନେଇ ଷଷ୍ଠ ପର୍ଯ୍ୟାୟ ଶ୍ରମିକ ସ୍ପେଶାଲ ଟ୍ରେନ ରାୟଗଡରେ ପହଞ୍ଚିଛି । 1478 ଜଣ ପ୍ରବାସୀ ଓଡ଼ିଆ ଶ୍ରମିକଙ୍କୁ ନେଇ ତାମିଲନାଡୁର ତିରୁବୁଲେରୁରୁ ରାଉରକେଲା ଯାଉଥିବା ଏହି ଟ୍ରେନରୁ ରାୟଗଡା ଜିଲ୍ଲାର 17, କୋରାପୁଟ ଜିଲ୍ଲାର 11, ଗଜପତି ଜିଲ୍ଲାର 41, କନ୍ଧମାଳ ଜିଲ୍ଲାର 23, ନବରଙ୍ଗପୁର ଜିଲ୍ଲାର 121 ଓ ମାଲକାନଗିରି ଜିଲ୍ଲାର 3 ଜଣ ପ୍ରବାସୀଙ୍କୁ ମିଶାଇ ମୋଟ 216 ଜଣ ପ୍ରବାସୀ ଓଡ଼ିଆ ଶ୍ରମିକ ଓହ୍ଲାଇଛନ୍ତି ।
ରାୟଗଡାରେ ପହଞ୍ଚିଲା ଷଷ୍ଟ ପର୍ଯ୍ୟାୟ ଶ୍ରମିକ ସ୍ପେଶାଲ ଟ୍ରେନ
ରାୟଗଡା ଷ୍ଟେସନରେ ଓହ୍ଲାଇଥିବା ସମସ୍ତ ପ୍ରବାସୀ ଓଡିଆ ଶ୍ରମିକଙ୍କ ପ୍ରଥମେ ସ୍ବାସ୍ଥ୍ୟ ପରୀକ୍ଷା ଏବଂ ଥର୍ମାଲ ସ୍କାନିଂ କରିବା ପରେ ଅଲିଭା କାଳିରେ ଷ୍ଟାମ୍ପିଙ୍ଗ କରାଯାଇଛି । ଶ୍ରମିକ ମାନଙ୍କୁ ରାୟଗଡା ଜିଲ୍ଲା ପ୍ରଶାସନ ପକ୍ଷରୁ ସ୍ବତନ୍ତ୍ର ଗାଡି ଯୋଗେ ନିଜ ନିଜ ଅଞ୍ଚଳକୁ ସୁରକ୍ଷା ମଧ୍ୟରେ ପଠାଇ ଦିଆଯାଇଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
