ମହୁମାଛି ଆକ୍ରମଣରେ ମହିଳା ମୃତ
ରାୟଗଡ଼ା : ରାୟଗଡ଼ା ଜିଲ୍ଲା କାଶୀପୁର ବ୍ଲକ କମ୍ପର ଗ୍ରାମରେ ମହୁମାଛି ଆକ୍ରମଣରେ ଜଣେ ମହିଳାଙ୍କ ମୃତ୍ୟୁ ଘଟିଛି । ମୃତ ମହିଳା ଜଣକ ହେଲେ ଉଜରମତୀ ଭତ୍ରା । ଘଟଣାରୁ ପ୍ରକାଶ ଯେ, ମୃତ ଉଜରମତୀ ଗତକାଲି (ମଙ୍ଗଳବାର) ଭୋର ୬ଟା ସମୟରେ ଉତ୍କଳ ଆଲୁମିନାକୁ କାମ କରିବାକୁ କମ୍ପାନୀକୁ ଯାଇଥିଲେ ।
କାର୍ଯ୍ୟ ଶେଷକରି ଦିନ 11ଟା ସମୟରେ ଘରକୁ ଫେରିବା ବେଳେ ଗାଁ ମୁଣ୍ଡରେ ମହୁମାଛି ଆକ୍ରମଣ ଶିକାର ହୋଇଥିଲେ । ଫଳରେ ଘଟଣାସ୍ଥଳରୁ ହିଁ ତାଙ୍କୁ ଉତ୍କଳ ହସ୍ପିଟାଲ ନେଇଥିଲେ । ଉଜରମତି ଗୁରୁତର ହେଇଥିବାରୁ ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । କିନ୍ତୁ ରାସ୍ତାରେ ହିଁ ତାଙ୍କର ମୃତ୍ୟୁ ହୋଇଥିଲା । ଖବରପାଇ ଦୋରାଗୁଡା ପୋଲିସ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ କାଶୀପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇଥିଲେ । ପରେ ଖ୍ରୀଷ୍ଟିୟାନ ରୀତିନୀତି ଅନୁଯାୟୀ ଅନ୍ତିମ ସଂସ୍କାର କରାଯାଇଥିଲା ।
ଇଟିଭି ଭାରତ, ରାୟଗଡ଼ା
