ରାୟଗଡ଼ା: ଭାସିଲା ଅସ୍ଥାୟୀ ପୋଲ । ବିଚ୍ଛିନ୍ନ ହେଲା 5ଟି ପଞ୍ଚାୟତ । ଆଜି ରାୟଗଡା ଜିଲ୍ଲାର କଲ୍ୟାଣୀ ନଦୀରେ ପ୍ରଥମ ବନ୍ୟା ପାଣି ଆସି ଧୋଇଗଲା ଅସ୍ଥାୟୀ ପୋଲ । ଫଳରେ ନଦୀ ଅନ୍ୟ ପଟେ ଥିବା ପାରସାଲି ଭଳି ଅନ୍ୟାନ୍ୟ ପଞ୍ଚାୟତ ବାହ୍ୟ ଜଗତରୁ ବିଚ୍ଛନ୍ନ ହୋଇପଡ଼ିଛି ।
2017 ଜୁଲାଇ 17ରେ କଲ୍ୟାଣ ଓ ନାଗବଳୀ ନଦୀରେ ପ୍ରଳୟଙ୍କାରୀ ବନ୍ୟା ଦ୍ବାରା ସ୍ଥାୟୀ ପୋଲ ଭାସିଯାଇଥିଲା । ସେବେ ଠାରୁ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ହ୍ୟୁମ ପାଇପ ପକାଇ ଅସ୍ଥାୟୀ ପୋଲ ନିର୍ମାଣ କରାଯାଇଥିଲା । ତେବେ ସେ ପୋଲଟି ଆଜି ଭାସିଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡ଼ା
ଫଳରେ ସ୍କୁଲ ଛାତ୍ରଛାତ୍ରୀ ଓ ଡଙ୍ଗରିଆ କନ୍ଧ ମହିଳା ବିଶେଷ ପ୍ରଭାବିତ ହୋଇଥିବାବେଳେ ସ୍ବାସ୍ଥ୍ୟ ସେବା ପାଇଁ ଅସୁବିଧା ଦେଖାଦେବ ।
ରାୟଗଡ଼ାରୁ ରଞ୍ଜନ ରଥ, ଇଟିଭି ଭାରତ
