ରାୟଗଡା: ଜିଲ୍ଲାର ମୁନିଗୁଡା ନିକଟସ୍ଥ ଝାମରଗୁଡାରେ ରେଳ ଫାଟକକୁ ଏକ ଆଲୁମିନା ବୋଝେଇ ଟ୍ୟାଙ୍କର ଧକ୍କା ଦେଇଛି । ଫଳରେ ବିଶାଖାପାଟନମ ଓ ରାୟପୁର ଅଫ ଲାଇନରେ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଛି l ଉକ୍ତ ଟ୍ୟାଙ୍କରଟି ବେଦାନ୍ତ ଲାଞ୍ଜିଗଡରୁ ବିଶାଖାପାଟନମ ଅଭିମୁଖେ ଯାଉଥିବା ବେଳେ ଭାରସାମ୍ୟ ହରାଇ ରେଳ ଫାଟକକୁ ଧକ୍କା ଦେଇଥିଲା ।
ରେଳ ଫାଟକକୁ ଧକ୍କା ଦେଲା ଟ୍ୟାଙ୍କର
ଦୁର୍ଘଟଣାରେ କେହି ମୃତାହତ ହୋଇ ନଥିବା ବେଳେ ଘଟଣାସ୍ଥଳରୁ ଟ୍ୟାଙ୍କର ଡ୍ରାଇଭର ଫେରାର ରହିଛି । ମୁନିଗୁଡା ରେଳ ବିଭାଗର PWD ଇଞ୍ଜିନିୟରଙ୍କ ସମେତ ଅନ୍ୟ ଅଧିକାରୀ ମାନେ ପହଁଚି ଯୁଦ୍ଧ କାଳୀନ ଭିତ୍ତିରେ ଟ୍ରେନ ଲାଇନ ଉପରୁ ଟ୍ୟାଙ୍କରକୁ ହଟାଇବାକୁ ଉଦ୍ୟମ ଜାରି ରଖିଛନ୍ତି l ଘଟଣାସ୍ଥଳରେ ମୁନିଗୁଡା ରେଳ RPF ଓ GRP ପୋଲିସ ପହଞ୍ଚି ତଦନ୍ତ ଜାରି ରଖିଛନ୍ତି I
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
