ରାୟଗଡା: ବାହାଘରରେ ଯୋଗଦେବାକୁ ଆସୁଥିବାବେଳେ ଘଟିଯାଇଛି ଏକ ବଡ ଅଘଟଣ । ଗାଡି ଦୁର୍ଘଟଣାଗ୍ରସ୍ତ ହୋଇ ୭ ଜଣ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ 4ଜଣ ଗୁରୁତର ଥିବାବେଳେ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି।
ରାୟଗଡା ସହରରେ ଏକ ବାହାଘର କାର୍ଯ୍ୟକ୍ରମରେ ଯୋଗ ଦେବାକୁ କାଶୀପୁର ବ୍ଲକ D କରଳ ଗାଁରୁ ୭ ଜଣ ଏକ ସ୍କର୍ପିଓରେ ଆସୁଥିବା ବେଳେ ସହର ଉପକଣ୍ଠ ହଲୁଆ ନିକଟ 326 ନଂ ଜାତୀୟ ରାଜପଥ ଠାରେ ଭାରସାମ୍ୟ ହରାଇ ଗାଡିଟି ରାସ୍ତା କଡ଼କୁ ଓଲଟି ପଡିଥିଲା । ଫଳରେ ୭ ଜଣଙ୍କ ମଧ୍ୟରୁ 4 ଜଣ ଗୁରୁତର ହୋଇଥିଲେ।
ବାହାଘରେ ଯୋଗଦେବାକୁ ଆସିବା ବାଟରେ ଗାଡି ଦୁର୍ଘଟଣା, ୭ ଆହତ ୪ ଗୁରୁତର
ସ୍ଥାନୀୟ ଲୋକେ ଗୁରୁତରଙ୍କୁ ଘଟଣାସ୍ଥଳରୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ସେମାନଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ବିଶାଖାପାଟଣା ସ୍ଥାନାନ୍ତର କରାଯାଇଛି। ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
