ରାୟଗଡା: ଟ୍ରାକ୍ଟର ଟ୍ରଲି ଚୋରି ମାମଲାରେ 3 ଗିରଫ । ଗିରଫଙ୍କ ମଧ୍ୟରେ ଟ୍ରାକ୍ଟର ସୋ’ ରୁମର ସେଲସ୍ ମ୍ୟାନେଜର୍ ଟିଟୁ ନାୟକ, ନନ୍ଦୁ ଖୋସଲା ଓ ଜଣେ ନାବାଳକ ଥିବା ଜଣାପଡିଛି । ପୋଲିସ ସେମାନଙ୍କ ନିକଟରୁ ଟ୍ରାକ୍ଟର, ଟ୍ରଲି ଗୋଟିଏ ଏସି ସମେତ 25 ହଜାର ଟଙ୍କା ଜବତ କରିଛି । ଏନେଇ ସୂଚନା ଦେଇଛନ୍ତି ରାୟଗଡା ଏସଡିପିଓ ।
ଟ୍ରାକ୍ଟର ଟ୍ରଲି ଚୋରି ମାମଲାରେ ୩ ଗିରଫ
ସୂଚନା ଅନୁସାରେ, ବିଷମ କଟକର ଅଭି କାଲକା ନାମକ ଏକ ବ୍ୟକ୍ତି ଏକ ପୁରୁଣା ଟ୍ରାକ୍ଟର ଟ୍ରଲି କିଣିବା ପାଇଁ ସେଲସ୍ ମ୍ୟାନେଜର ଟିଟୁ ନାୟକଙ୍କୁ କହିଥିଲେ । ପରେ ଟ୍ରଲି ପାଇଁ ତାଙ୍କୁ 65 ହଜାର ଟଙ୍କା ମଧ୍ୟ ଦେଇଥିଲେ । ହେଲେ ଟିଟୁ ଦୁଇ ଜଣ ସହଯୋଗୀଙ୍କ ସହ ମିଶି ଏକ ୱାର୍କ ସପ୍ରୁ ଟ୍ରଲି ଚୋରି କରି ଆଣି ଦେଇଥିଲେ । ଏନେଇ ୱାର୍କ ସପ୍ର ମାଲିକ ଗିରଫ ଥାନାରେ ଅଭିଯୋଗ କରିବା ପରେ ପୋଲିସ ସିସିଟିଭି ଫୁଟେଜ ଆଧାରରେ ତଦନ୍ତ କରି 3 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
