ରାୟଗଡା: ରବି ଧାନ ସଂଗ୍ରହ ପାଇଁ ଜିଲ୍ଲାସ୍ତରୀୟ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହୋଇଛି । ଜିଲ୍ଲାପାଳ ସରୋଜ କୁମାର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଜିଲ୍ଲାସ୍ତରୀୟ ଅଧିକାରୀ ଅଂଶଗ୍ରହଣ କରିଥିଲେ l ଖରିଫ ଧାନ ଲକ୍ଷ୍ୟ ହାସଲ, ରବି ଧାନର ଲକ୍ଷ୍ୟ ଧାର୍ଯ୍ୟ ଓ ଚାଷୀ ପଞ୍ଜିକରଣ ଉପରେ ଆଲୋଚନା କରିଛନ୍ତି ଜିଲ୍ଲାପାଳ ।
ମେ' ୧୬ ରୁ ରବି ଧାନ କିଣା ଆରମ୍ଭ, ବୈଠକରେ ନିଷ୍ପତ୍ତି
ଜିଲ୍ଲାରେ ଖରିଫ ଋତୁ ପାଇଁ ୧୭, ୪୭୫ ଜଣ ଚାଷୀ ପଞ୍ଜୀକରଣ କରିଥିଲେ । ସେଥିମଧ୍ୟରୁ ୧୪, ୩୧୨ ଚାଷୀଙ୍କ ଠାରୁ ୧୪ ପ୍ୟାକ୍ସ ଜରିଆରେ ୯୭, ୮୭୫.୮୩୧ ମେଟ୍ରିକ ଟନ୍ ଧାନ ଚାଷୀଙ୍କ ଠାରୁ କିଣାଯାଇଥିବା କୁହାଯାଇଛି । ଚଳିତ ରବି ଧାନ ସଂଗ୍ରହ ପାଇଁ ରାଜ୍ୟ ସରକାର ଏଯାଏଁ ଜିଲ୍ଲାକୁ ଲକ୍ଷ ଧାର୍ଯ୍ୟ କରି ନାହାନ୍ତି l ଜିଲ୍ଲାରେ ରବିଋତୁ ଚାଷକୁ ଦେଖି ଜିଲ୍ଲା କୃଷି ଅଧିକାରୀ, ଆକଳନ ଅନୁଯାୟୀ ଆନୁମାନିକ ଉତ୍ପାଦନ ୯,୩୦୫ ମେଟ୍ରିକ ଟନ୍ ହେବ କୁହାଯାଇଛି ।
