ରାୟଗଡା: ଜିଲ୍ଲା ପ୍ରଶାସନ ପକ୍ଷରୁ ମହାତ୍ମା ଗାନ୍ଧୀଙ୍କ 150ତମ ଜୟନ୍ତୀକୁ ମହାସମାରୋହରେ ପାଳନ କରାଯାଇଛି । ସକାଳୁ ଜୟନ୍ତୀ କାର୍ଯ୍ୟକ୍ରମ ରାମଧୁନ ସହ ଆରମ୍ଭ ହୋଇଥିବା ବେଳେ ସହରରେ ଶୋଭାଯାତ୍ରା କରାଯାଇ ବାପୁଙ୍କୁ ପୁଷ୍ପମାଲ୍ୟ ପ୍ରଦାନ କରାଯାଇଥିଲା ।
ବାଲ୍ୟ ବିବାହ ବିରୋଧରେ ଅଭିଯାନ
ଏହି ଅବସରରେ ଜିଲ୍ଲାପାଳ ପ୍ରମୋଦ କୁମାର ବେହେରା, ଏସପି ଡ଼ ସର୍ବଣ ବିବେକ ଏମ୍ଙ୍କ ନେତୃତ୍ବରେ "ବାଲ୍ୟ ବିବାହକୁ ନା" କରିବା ଓ ସମାଜରେ ସଚେତନତା ବୃଦ୍ଧି କରିବା ନେଇ ଗାନ୍ଧୀ ପାର୍କ ଠାରୁ ନୂଆ ବସଷ୍ଟାଣ୍ଡ ପର୍ଯ୍ୟନ୍ତ ଏକ ମାନବ ଶୃଙ୍ଖଳ ଆୟୋଜିତ ହୋଇଥିଲା । ଯେଉଁଥିରେ ଶହ ଶହ ଏସଏଚ୍ଜି ମହିଳା, ବରିଷ୍ଠ ଅଧିକାରୀ ଅଂଶ ଗ୍ରହଣ କରିଥିଲେ ।
ଏହା ବ୍ୟତୀତ ରାୟଗଡ଼ା ସହରର ମହର୍ଷି ବିଦ୍ୟା ମନ୍ଦିର ଠାରୁ ଡିଏଫଓ ଅଫିସ ରୋଡ଼କୁ ଗାନ୍ଧୀ ମାର୍ଗ ନାମରେ ନାମିତ କରାଯାଇଛି । ସେହିପରି ରାୟଗଡ଼ା ସଦର ବ୍ଲକ ଅନ୍ତର୍ଗତ ଗେଟିପଡ଼ାକୁ ଲୋକ କଳା ଗ୍ରାମ ଭାବେ ଘୋଷଣା କରାଯାଇଛି ।
ରାୟଗଡ଼ାରୁ ରଞ୍ଜନ ରଥ, ଇଟିଭି ଭାରତ
