ରାୟଗଡା: ଆଗକୁ ରାଜ୍ୟରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ହେବାକୁ ଥିବାବେଳେ ଏନେଇ ପ୍ରଶାସନିକ ପ୍ରସ୍ତୁତି ଆରମ୍ଭ ହୋଇଯାଇଛି । ୱାର୍ଡ ଠାରୁ ଆରମ୍ଭ କରି ଜିଲ୍ଲାପରିଷଦ ଅଧ୍ୟକ୍ଷ ପାଇଁ ସରକାରଙ୍କ ପକ୍ଷରୁ ବିଭିନ୍ନ ଆସନ ପାଇଁ ସଂରକ୍ଷଣ ଚିଠା ପ୍ରକାଶ ପାଇଛି ।
ସଂରକ୍ଷଣକୁ ନେଇ ଉଠିଲା ବିବାଦ
ତେବେ ୧୯୯୭ ମସିହାରେ ପ୍ରଥମେ ହୋଇଥିବା ଜିଲ୍ଲାପରିଷଦ ନିର୍ବାଚନରେ ରାୟଗଡା ଜିଲ୍ଲାର ତିନୋଟି ସମିତି ସଭ୍ୟ ଆସନ ଅନୁସୂଚିତ ଜାତି ପାଇଁ ସଂରକ୍ଷଣ କରାଯାଇଥିଲା । ବର୍ତ୍ତମାନ ଏହି ତିନୋଟି ଆସନ ଅନୁସୂଚିତ ଜନଜାତିଙ୍କ ପାଇଁ ସଂରକ୍ଷଣ କରାଯାଇଛି ।
ଏହି ଆସନକୁ ନେଇ ପ୍ରତି ନିର୍ବାଚନରେ ଅଭିଯୋଗ କଲେ ମଧ୍ୟ କେହି ଶୁଣୁନଥିବା ଅଭିଯୋଗ କରିଛି ଜିଲ୍ଲା ହରିଜନ ସମାଜ । ଏ ଥର ଯଦି ଏହାର ପୁନଃବିଚାର ନକରନ୍ତି ତେବେ ଆଗାମୀ ଦିନରେ ଉଚ୍ଚ ନ୍ୟାୟାଳୟର ଦ୍ଵାରସ୍ଥ ହେବାକୁ ଧମକ ଦେଇଛି ଜିଲ୍ଲା ହରିଜନ ସମାଜ ।
ରାୟଗଡାରୁ ରଞ୍ଜନକୁମାର ରଥ, ଇଟିଭି ଭାରତ
