ରାୟଗଡା: ବାଇକ ଅଟୋ ମୁହାଁମୁହିଁ ଧକ୍କା । ଏହି ଘଟଣାରେ ଜଣଙ୍କ ମତ୍ୟୁ ଘଟିଥିବା ବେଳେ 10 ଗୁରୁତର ଆହତ ହେଇଛନ୍ତି । ଏଭଳି ଅଭାବନୀୟ ଘଟଣା ରାୟଗଡା ଜିଲ୍ଲା ଗୁଣୁପୁର ଗଜପତି ଜିଲ୍ଲା ସୀମାନ୍ତ କତାଗୁଡା ଘାଟି ନିକଟରେ ଘଟିଛି ।
ସୂଚନା ଅନୁଯାୟୀ, ଶିରିଝୋଲି ଗ୍ରାମରୁ ୩ ଜଣ ବ୍ୟକ୍ତି ଏକ ବାଇକରେ କାଶୀନଗର ଅଭିମୁଖେ ଯାଉଥିବା ବେଳେ ବିପରୀତ ଦିଗରୁ ଆସୁଥିବା ଏକ ଅଟୋ ସେମାନଙ୍କ ବାଇକକୁ ଧକ୍କା ଦେଇଥିଲା । ଫଳରେ ଘଟଣାରେ 11 ଜଣ ଗୁରୁତର ଆହତ ହୋଇଥିଲେ ।
ବାଇକ ଅଟୋ ମୁହାଁମୁହିଁ ଧକ୍କା
ଖବର ପାଇ ଗୁଣୁପୁର ଅଗ୍ନିଶମ ବାହିନୀ ପହଞ୍ଚି ଆହତଙ୍କୁ ଗୁଣୁପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଇଥିଲେ । ତେବେ ଖିଡିଗାଁ ଅଞ୍ଚଳର ଟି. ନକରାଜୁ ନାମକ ବ୍ୟକ୍ତିଙ୍କର ଚିକିତ୍ସା ଅବସ୍ଥାରେ ମୃତ୍ୟୁ ଘଟିଥିବା ବେଳେ ଅନ୍ୟ ୨ ଜଣ ଆହତଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଛି । ଘଟଣାସ୍ଥଳରେ ଗୁଣପୁର ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
