ରାୟଗଡ଼ା: କଲ୍ୟାଣସିଂହପୁର ବ୍ଲକରେ ହାତୀ ଆକ୍ରମଣରେ ଜଣେ ବୃଦ୍ଧଙ୍କ ମୃତ୍ୟୁ ଅଭିଯୋଗ ହୋଇଛି । ନିୟମଗିରି ପାହାଡ଼ ଅଞ୍ଚଳ ମାୟାବାଳି ଗାଁର କାଡ୍ରକା ମୁସୁରୁଙ୍କୁ ହାତୀ କଚାଡି ମାରିଦେଇଛି ।
ଭିଡିଓ ସୌଜନ୍ୟ: ସମ୍ବାଦଦାତା ରାୟଗଡା
ମୁସୁରୁ ଗତ ଦୁଇ ତାରିଖ ଗୁରୁବାର ଦିନ ସପୁରୀ ବଡକୁ ଯାଇଥିବା ବେଳେ ସେଠାରୁ ଫେରି ନଥିଲେ । ପରିବାର ଲୋକେ ଖୋଜାଖୋଜି କରୁଥିବା ବେଳେ, ଶନିବାର ସେ ଅଞ୍ଚଳରେ ଦୁର୍ଗନ୍ଧ ହେବାରୁ ମୃତ ଶରୀର ଦେଖିଥିଲେ ପରିବାର ଲୋକେ । ତେବେ ହାତି ଆକ୍ରମଣରେ ମୁସୁରୁଙ୍କ ମୃତ୍ୟୁ ଘଟିଥିବା ଅଭୀ ଭତ୍ରା କହିଛନ୍ତି ।
ବହୁ ଦିନରୁ ନିୟମଗିରି ପାହାଡ଼ ଅଞ୍ଚଳରେ ହାତୀଙ୍କର ପ୍ରାଦୁର୍ଭାବ ରହିଛି । ଘଟଣାସ୍ଥଳର ପାରିପାର୍ଶ୍ବିକ ଅବସ୍ଥାରୁ ହାତୀ ଆକ୍ରମଣ କରିଥିବା ସ୍ପଷ୍ଟ ଜଣା ପଢିଛି । ଘଟଣାର ଖବର ପାଇ ବନ ବିଭାଗ ମୃତ ଶରୀରକୁ ଜବତ କରିବା ସହିତ ତଦନ୍ତ କରୁଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
