ରାୟଗଡା : ରାଜ୍ୟରେ ଦିନକୁ ଦିନ ବଢିବାରେ ଲାଗିଛି ଲୁଟପାଟ । ଦିନ ଦ୍ବିପ୍ରହରରେ ପୋଲିସକୁ ଖୋଲା ଚ୍ୟାଲେଞ୍ଜ ଦେଉଛନ୍ତି ଦୁବୃର୍ତ୍ତ । ରାୟଗଡା ସହରର ଇନ୍ଦିରା ନଗରରେ ଆଜି ପୁଣି ଦୁର୍ବୃତ୍ତମାନେ ଘରେ ପଶି କଳାକନା ବୁଲାଇଛନ୍ତି ।
ଇନ୍ଦିରା ନଗରରେ ଘରେ ପଶି କଳାକନା ବୁଲାଇଲେ ଦୁବୃର୍ତ୍ତ; ଲୁଟି ନେଲେ ସୁନା ଗହଣା ସହ ଲକ୍ଷାଧିକ ଟଙ୍କା
ସୂଚନା ଅନୁସାରେ, ରାୟଗଡା ଇନ୍ଦିରା ନଗରରେ ରୁହନ୍ତି ଦେବେନ୍ଦ୍ର ପ୍ରସାଦ ଚୌଧୁରୀଙ୍କ ପରିବାର । ଦେବେନ୍ଦ୍ରଙ୍କ ପରିବାର କୌଣସି କାମରେ ଘରୁ ଶନିବାର ଠାରୁ ଯାଇଥିଲେ । ଏହାର ସୁଯୋଗ ପାଇ ଦୁର୍ବୃତ୍ତମାନେ କବାଟ ଭାଙ୍ଗି ଘରେ ପଶିଥିଲେ । ଘରେ ଥିବା ପ୍ରାୟ ତିନି କେଜି ରୂପା ସହ ସୁନା ଅଳଙ୍କାର ଓ ନଗଦ କିଛି ଟଙ୍କା ଚୋରି କରି ନେଇଥିଲେ । ପରେ ଦେବେନ୍ଦ୍ର ଘରେ ପହଞ୍ଚି ପୋଲିସକୁ ଖବର ଦେଇଥିଲେ । ରାୟଗଡା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
