ରାୟଗଡା: ଗାଧୋଇବାକୁ ଯାଇ ପୋଖରୀରେ ବୁଡି ଜଣେ ନାବାଳକର ମୃତ୍ୟୁ ଘଟିଛି । ଏଭଳି ଘଟଣା ଦେଖିବାକୁ ମିଳିଛି ରାୟଗଡ଼ା ଜିଲ୍ଲା କାଶୀପୁର ବ୍ଲକ ଟିକିରି ପଞ୍ଚାୟତ ଅନ୍ତର୍ଗତ ବିଲାମାଳ ଗ୍ରାମରେ । ମୃତ ନାବାଳକ ଜଣକ ହେଉଛନ୍ତି ବିଳାମାଳ ଗ୍ରାମର କାର୍ତ୍ତିକ ମାଝୀ ।
ତେବେ ଗାଁର ପିଲାମାନଙ୍କ ସହିତ ଅପରାହ୍ନରେ ଗାଧୋଇବାକୁ ଗାଁ ପୋଖରୀକୁ ଯାଇଥିବାବେଳେ ଘଟିଛି ଏହି ଅଘଟଣ । ସାମାନ୍ୟ ଅସାବଧାନତା ଯୋଗୁଁ ପୋଖରୀ ଭିତରକୁ ଗୋଡ ଖସି ଯାଇଥିଲା । ଆଉ ଏହି ଘଟଣାରେ ଉପସ୍ଥିତ ପିଲାମାନେ ଗାଁ ଲୋକଙ୍କୁ ଖବର ଦେଇଥିଲେ । ପରେ ଘଟଣାସ୍ଥଳରେ ବିଲାମାଳ ଗ୍ରାମର ଲୋକମାନେ ଆସି ଖୋଜାଖୋଜି କରିଥିଲେ ।
ସେପେଟେ ଦୀର୍ଘ ସମୟ ଧରି କାର୍ତ୍ତିକର ପତ୍ତା ନମିଳିବାରୁ ନିକଟସ୍ଥ ଉତ୍କଳ ଆଲୁମିନା ଦମକଳ କେନ୍ଦ୍ରକୁ ସୂଚନା ଦେଇଥିଲେ । ଖବର ପାଇ କାଶୀପୁର ଦମକଳ ବାହିନୀ ଓ ଟିକିରି ପୋଲିସ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ କାଶୀପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇଥିବା ଜଣାପଡିଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
