ରାୟଗଡା: ଜିଲ୍ଲାର କଲ୍ୟାଣି ସିଙ୍ଗପୁର ବ୍ଲକରେ ନିନ୍ଦନୀୟ ଘଟଣା। ନବବର୍ଷ ରାତିରେ ଜଣେ ନାବାଳିକାଙ୍କୁ 3ଜଣ ନାବାଳକ ଦୁଷ୍କର୍ମ କରିଥିବା ଅଭିଯୋଗ ହୋଇଛି।
ଏନେଇ ପୀଡିତାଙ୍କ ବାପା କଲ୍ୟାଣସିଂହପୁର ଥାନାରେ ଏତଲା ଦେଇଥିଲେ। ପୀଡିତା ନୂଆବର୍ଷ ରାତି ପ୍ରାୟ 10ଟାରେ ପରିଶ୍ରା କରିବାପାଇଁ ବାହାରକୁ ଆସିଥିଲେ। ଏହାର ସୁଯୋଗ ନେଇ ତିନିଜଣ ନାବାଳକ ତାଙ୍କ ପାଟିରେ କପଡା ବାନ୍ଧି ଉଠାଇ ନେଇ ନିକଟରେ ଥିବା ବିଲ ମଝିରେ ଦୁଷ୍କର୍ମ କରିଥିଲେ। ପରେ ପୀଡିତା ଜଣଙ୍କ ବହୁ କଷ୍ଟରେ ଘରେ ପହଞ୍ଚି ଘର ଲୋକଙ୍କୁ ଘଟଣା ସମ୍ପର୍କରେ ଜଣାଇଥିଲେ।
ନାବାଳିକାକୁ ଗଣଦୁଷ୍କର୍ମ ମାମଲା, 3 ନାବାଳକ ଅଟକ
ଏନେଇ ଶନିବାର ପୀଡିତାଙ୍କ ବାପା ଥାନାରେ ଏତଲା ଦେବା ପରେ ପୋଲିସ ମାମଲା ରୁଜୁ କରିବା ସହ ତିନିଜଣ ନାବାଳକଙ୍କୁ ଅଟକ ରଖିଛି। ସୋମବାର ତିନି ନାବାଳକଙ୍କୁ ରାୟଗଡ ମୁଖ୍ୟ ଚିକିତ୍ସାଳୟରେ ଡ଼ାକ୍ତରୀ ମାଇନା କରିବା ପରେ ବ୍ରହ୍ମପୁର ସୁଧାର ଗୃହକୁ ପଠାଯିବାନେଇ କଲ୍ୟାଣସିଂହପୁର ଥାନା ଅଧିକାରୀ ସୁକୁମା ହାଁସଦା ସୂଚନା ଦେଇଛନ୍ତି।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
