ରାୟଗଡା: କିଛିଦିନର ବ୍ୟବଧାନ ପରେ ପୁଣି ମାତିଛନ୍ତି ଡକାୟତି ଦଳ । ରାୟଗଡା ସହରର କରଣ ସାହିର ଜୟରାମ ମହାପାତ୍ରଙ୍କ ଘରେ କଳାକନା ବୁଲାଇଛିନ୍ତି ଲୁଟେରା । ଗତକିଛି ଦିନ ହେଲା ଜୟରାମ ନିଜ ପରିବାରଙ୍କ ସହ ବାହାରକୁ ଯାଇଥିବା ବେଳେ ଘରେ କେହି ନଥିଲେ । ଏହାର ସୁଯୋଗ ନେଇ ଘର କବାଟ ଭାଙ୍ଗି ଲୁଟ କରିଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି ।
ରାୟଗଡାରେ ଡକାୟତି
୫ ଭରି ସୁନା ଓ ୪କେଜି ରୂପା ଅଳଙ୍କାର ସହ ନଗଦ ଦେଢ ଲକ୍ଷ ଟଙ୍କା ଲୁଟ ହୋଇଥିବା ନେଇ ଥାନାରେ ଅଭିଯୋଗ କରିଥିଲେ । ଏହାପରେ ରାୟଗଡା ଏସ.ପି.ଙ୍କ ନିର୍ଦ୍ଦେଶ କ୍ରମେ ଘଟଣା ସ୍ଥଳରେ ଡଗ ସ୍କ୍ବାର୍ଡ ଏବଂ ସାଇଣ୍ଟିଫିକ ଟିମକୁ ନେଇ ପୋଲିସ ତଦନ୍ତ ଆରମ୍ଭ କରିଛି । ତେବେ ଏହି ଘଟଣାରେ ବର୍ତ୍ତମାନ ସୁଦ୍ଧା କାହାରିକୁ ଗିରଫ କରାଯାଇ ନଥିବା ଜଣାପଡିଛି ।
ରାୟଗଡାରୁ ରଞ୍ଜନ ରଥ, ଇିଟିଭି ଭାରତ
