2 ଲକ୍ଷ ଟଙ୍କାର ଊର୍ଦ୍ଧ୍ବ ମୂଲ୍ୟର ଗଞ୍ଜେଇ ଜବତ, ଜଣେ ଗିରଫ

ରାୟଗଡା ସିଙ୍ଗାପୁର ଅଞ୍ଚଳରୁ ଜବତ ହୋଇଛି ଗଞ୍ଜେଇ । ଚୋରା ଚାଲାଣ ହେଉଥିବାବେଳେ ରେଳୱେ ପୋଲିସ ହାତରେ ଲାଗିଛି ପ୍ରାୟ ଦୁଇଲକ୍ଷ ଟଙ୍କାର ଗଞ୍ଜେଇ ।

ରାୟଗଡା: ଦିନକୁ ଦିନ ବଢିବାରେ ଲାଗିଛି ଗଞ୍ଜେଇ ଚୋରା ଚାଲାଣ । ରେଲୱେ ସୁରକ୍ଷାବଳ ନିକଟସ୍ଥ ସିଙ୍ଗାପୁର ଷ୍ଟେସନରେ ପେଟ୍ରୋଲିଂ ସମୟରେ ଗଞ୍ଜେଇ ଜବତ କରିବା ସହ ଜଣକୁ ଗିରଫ କରାଯାଇଛି । 6ଟି ବ୍ୟାଗରେ ପ୍ରାୟ 45କେଜି 800 ଗ୍ରାମ ଗଞ୍ଜେଇ ଜବତ ହୋଇଛି ।

ତେବେ ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ଦୁଇଲକ୍ଷ ଟଙ୍କା ହେବ ବୋଲି ରେଲୱେ ପୋଲିସ ପକ୍ଷରୁ ସୂଚନା ମିଳିଛି । ଗିରଫ ହୋଇଥିବା ଯୁବକ ଜଣକ ଝାଡଖଣ୍ଡର ସୁମିତ କୁମାର ମାଥୋ ।

ସିଙ୍ଗାପୁର ରୋଡରୁ ଆନ୍ଧ୍ରପ୍ରଦେଶର ବିଶାଖାପାଟଣାକୁ ଗଞ୍ଜେଇ ଚାଲାଣ କରୁଥିବାର ଜଣାପଡିଛି ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ