ରାୟଗଡା: ଗଞ୍ଜେଇ ଚୋରାଚାଲାଣ ବେଳେ ପୋଲିସ ହାତରେ ଧରାପଡିଲା ଗଞ୍ଜେଇ ମାଫିଆ । ରାୟଗଡା ଗୁଡାରି ପୋଲିସ ଷ୍ଟେସନ ଅନ୍ତର୍ଗତ ବୁଜିଙ୍ଗଗୁଡା ଛକ ନିକଟରୁ ନର୍ସିମୀ କିମ୍ବକାକୁ ଗିରଫ କରିଛି ପୋଲିସ । 74 କିଲୋ ଗଞ୍ଜେଇକୁ ବ୍ରହ୍ମପୁରକୁ ଚୋରା ଚାଲାଣ କରୁଥିଲା ନର୍ସିମୀ ।
ଗଞ୍ଜେଇ ଚୋରା ଚାଲାଣ ବେଳେ ଧରାପଡିଲା ମାଫିଆ
ଗୁଡାରି ଥାନା ଅନ୍ତଗର୍ତ ଖାଇରାଗୁଡା ଗାଁର ନର୍ସିମୀ କିମ୍ବକା ଓ ତାର ସାଥୀ ଗୁମୁଡା ବ୍ରହ୍ମପୁରକୁ ଗଞ୍ଜେଇ ଚୋରାଚାଲାଣ କରିବା ପାଇଁ ଏକ ଗାଡିକୁ ଅପେକ୍ଷା କରିଥିଲେ । ଘଟଣା ବିଷୟରେ ପୋଲିସ କୌଣସି ଏକ ସୂତ୍ରରୁ ପୋଲିସ ଖବର ପାଇ ଚଢାଉ କରିଥିଲା ।
ତେବେ ନର୍ସାମୀର ସାଥୀ ଖସିପଳାଇଥିବାବେଳେ, ପୋଲିସ ବିଭିନ୍ନ ସ୍ଥାନରେ ଚଢାଉ ଜାରି ରଖିଥିବା କହିଛନ୍ତି ଗୁଣପୁର ଏସଡିପିଓ ରାଜକିଶୋର ଦାସ । ସେପଟେ ଏହି ଗଞ୍ଜେଇର ଆନୁମାନିକ ମୂଲ୍ୟ 7ଲକ୍ଷ ହେବ ବୋଲି ଜଣାପଡିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
