ରାୟଗଡା: ଜିଲ୍ଲାସ୍ତରୀୟ ଆଜାଦୀ କା ଅମୃତ ମହୋତ୍ସବ ତଥା ଫିଟ ଇଣ୍ଡିଆ ଫ୍ରିଡମ ରନ ୨.୦ ଅନୁଷ୍ଠିତ ହୋଇଯାଇଛି । ଭାରତ ସରକାରଙ୍କ ଯୁବ ବ୍ୟାପାର ଓ କ୍ରୀଡା ମନ୍ତ୍ରଣାଳୟ ଓ ନେହେରୁ ଯୁବ କେନ୍ଦ୍ର, ରାୟଗଡା ପକ୍ଷରୁ ରାୟଗଡା ଗଜପତି ଛକ ଠାରୁ ଆଜାଦୀ କା ଅମୃତ ମହୋତ୍ସବ ତଥା ଫିଟ ଇଣ୍ଡିଆ ଫ୍ରିଡମ ରନ ୨.୦ ଅନୁଷ୍ଠିତ ହୋଇଯାଇଛି ।
ଏଥିରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ ସୋମନାଥ ପ୍ରଧାନ ଓ ମୁଖ୍ୟ ବକ୍ତା ଭାବେ ପ୍ରାଧ୍ୟାପକ ଡ. ଦୁଷ୍ମନ୍ତ କୁମାର ମହାନ୍ତି, ଜିଲ୍ଲା ୟୁଥ ଅଫିସର ରାଜ ମୃତେଶ ପାଇଡି ପ୍ରମୁଖ ଯୋଗଦେଇଥିଲେ । ଫିଟ ଇଣ୍ଡିଆ ଫ୍ରିଡମ ରନ ୨.୦କୁ ମୁଖ୍ୟ ଅତିଥି ପତାକା ଦେଖାଇ ଶୁଭାରମ୍ଭ କରିଥିଲେ । ଏହା ଗଜପତି ଛକରୁ ଆରମ୍ଭ ହୋଇ ମହିଳା ମହାବିଦ୍ୟାଳୟରେ ସମାପ୍ତ ହୋଇଥିଲା ।
ଏଥିରେ ମହିଳା ମହାବିଦ୍ୟାଳୟର ଛାତ୍ରୀ, ରାୟଗଡା ସ୍ବୟଂ ଶାସିତ ମହାବିଦ୍ୟାଳୟର ଛାତ୍ର ଭାଗ ନେଇଥିଲେ । ସେହିପରି ରାୟଗଡା ସ୍ଥିତ ୨ୟ ବାଟାଲିୟନ ତରଫରୁ ମଧ୍ୟ ଅଲଗା ଭାବେ ଫିଟ ଇଣ୍ଡିଆ ଫ୍ରିଡମ ରନ ଅନୁଷ୍ଠିତ ହୋଇଯାଇଥିଲା ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
