ରାୟଗଡା: ରାୟଗଡା ଜିଲ୍ଲାରେ ଚଳିତବର୍ଷ ଖରିପ ଋତୁ ପାଇଁ 39ଟି ମଣ୍ଡି ଜରିଆରେ 8ଲକ୍ଷ 98ହଜାର 507 କ୍ବିଣ୍ଟାଲ ଧାନ କ୍ରୟ ପାଇଁ ଲକ୍ଷ ଧାର୍ଯ୍ୟ ହୋଇଥିବା ବେଳେ ବର୍ତ୍ତମାନ ସୁଦ୍ଧା ଚାଷୀଙ୍କ ଠାରୁ 1ଲକ୍ଷ 73 ହଜାର ଧାନ କ୍ରୟ କରାଯାଇଛି । ସରକାରୀ ହିସାବରେ ବର୍ତ୍ତମାନ ସୁଦ୍ଧା ୯ ଶହରୁ ଉର୍ଦ୍ଧ୍ବ ଚାଷୀ ନାମ ପଞ୍ଜିକରଣ କରିବାରୁ ବଞ୍ଚିତ ହୋଇଛନ୍ତି । ତେବେ ରାୟଗଡାରେ ମଧ୍ୟ ଲାଗିରହିଛି ଟୋକନ ସମସ୍ୟା । ହାଟମୁନିଗୁଡା ଧାନ ମଣ୍ଡିରେ କେବଳ ଟକୋନ ଧାରୀ ହିଁ ଧାନ ବିକ୍ରି କରି ପାରିବେ ଶୁଣିବା ପରେ ଚାଷୀ ଉତ୍ୟକ୍ତ ହୋଇ ମଣ୍ଡି କର୍ମଚାରୀଙ୍କୁ ଭିତରେ ରଖି ବାହାରୁ ତାଲା ପକେଇଛନ୍ତି ।
ଜିଲ୍ଲାପାଳଙ୍କ ପ୍ରତିଶୃତି ପରେ ଆନ୍ଦୋଳନ ସ୍ଥଗିତ
ଚାଷୀଙ୍କୁ ପ୍ରଶାସନ ବୁଝାସୁଝା ପରେ ପରିସ୍ଥିତି ଶାନ୍ତ ପଡିଛି । ପରେ ଜିଲ୍ଲାପାଳଙ୍କ ସହ ଏକ ବୈଠକ କରିଛନ୍ତି ଚାଷି ପ୍ରତିନିଧି । ସମସ୍ତ ଚାଷିଙ୍କ ଧାନ ବିକ୍ରି କିଣାଯିବ ବୋଲି ପ୍ରତିଶ୍ରୁତି ପାଇବା ପରେ ଏକ ସପ୍ତାହ ପର୍ଯ୍ୟନ୍ତ ଚାଷୀ ଆନ୍ଦୋଳନକୁ ସ୍ଥଗିତ ରଖିଛନ୍ତି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
