ରାୟଗଡ଼ା: ମାଓବାଦୀ ସାଜି ଜିଲ୍ଲାରେ ଖେଳାଇଥିଲେ ଆତଙ୍କ ଶେଷରେ 5 ନକଲି ମାଓବାଦୀଙ୍କୁ ଗିରଫ କରିଛି ପୋଲିସ । ଏମାନେ ଜିଲ୍ଲାର ବିଭିନ୍ନ ସ୍ଥାନରେ ମାଓ ପୋଷ୍ଟର ଲଗାଇବା ସହ ଠିକା ସଂସ୍ଥା କ୍ୟାମ୍ପରେ ଟ୍ରକ ପୋଡ଼ି ଦେଇଥିବା ଅଭିଯୋଗ ହୋଇଥିଲା । ଏହି ଘଟଣାରେ 5ଜଣଙ୍କୁ ଗିରଫ କରିଛି ପୋଲିସ।
ରାୟଗଡ଼ାରେ ନକଲି ମାଓ ପୋଷ୍ଟର ଓ ଟ୍ରକ ପୋଡ଼ିବା ଘଟଣା: ୫ ଗିରଫ
ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକରେ ଗତ ୨୧ ତାରିଖ ରାତିରେ ସଦର ତହସିଲ ଅଫିସ ଫାଟକ ଏବଂ ବୁଡ଼ାଗୁଡ଼ା ଠାରେ ଥିବା ରାସ୍ତା ନିର୍ମାଣ ଠିକା ସଂସ୍ଥାର ଗୋଟିଏ ଟ୍ରକ ଓ ଟ୍ରଲି ପୋଡ଼ି ଦେବା ଘଟଣାର ପୋଲିସ ୫ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। 5 ଅଭିଯୁକ୍ତ ଶେଷଖାଲ ଥାନା ଅନ୍ତର୍ଗତ ହାଣ୍ଡିପଡୁ ଗ୍ରାମର ଗୋପାଳ ମଣ୍ଡିଆ, କାଶୀପୁର କଞ୍ଜାଙ୍ଗମଣ୍ଡି ଗ୍ରାମର ବଲି ମାଝୀ, ଟିକିରି ଥାନା ରାମପୁର ଗ୍ରାମର ସିମାଞ୍ଚଳ ମାଝୀ, ସନ୍ତୋଷ ରାୟ ଦୁଡୁକାବହାଲ ଗ୍ରାମର ଜୟନ୍ତ ନାଏକଙ୍କୁ ପୋଲିସ ଗିରଫ କରିଥିବା ସୂଚନା।
