ରାୟଗଡା : ରାତି ଅଧାରେ ବୁଲିଲା ବୁଲଡୋଜର । ରାୟଗଡା ଜିଲ୍ଲା ଗୁଣପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟ ପଛପଟ ଓ ଶବର ବିହାର ନିକଟରେ ଥିବା ସରକାରୀ ଜାଗାକୁ ଜବରଦସ୍ତ ଅକ୍ତିଆରକୁ ନେଇ ଘର ବାନ୍ଧୁ ଥିବା ଲୋକଙ୍କୁ ସେଠାରୁ କରାଯାଇଛି ଉଚ୍ଛେଦ ।
ସେଠାରୁ ଉଠାଇ ବାକୁ ସ୍ଥାନୀୟ ତହସିଲଦାର ଶରତ ନାୟକଙ୍କୁ ଜବରଦାଖଲ ଉଚ୍ଛେଦ ପାଇଁ ନିର୍ଦ୍ଧେଶ ଦେବା ପରେ ଆରମ୍ଭ ହୋଇଥିଲା ଉଚ୍ଛେଦ ଅଭିଯାନ । ଗୁଣୁପୁର ତହସିଲଦାର ଓ ସ୍ଥାନୀୟ ପୋଲିସ ସେଠାରେ ପହଞ୍ଚି ଜବରଦଖଲକାରୀଙ୍କୁ ଉଠାଇ ଥିଲେ । ଜେସିଵି ଦ୍ୱାରା ଝୁପୁଡି ଘର ଭାଙ୍ଗି ଥିବା ବେଳେ ଆସନ୍ତାକାଲି(ଶୁକ୍ରବାର) ଗୋଟିଏ ଦିନ ଅନ୍ୟ ଜବରଦଖଲକାରୀଙ୍କୁ ହଟିଯିବା ପାଇଁ ସମୟ ଦେଇଛନ୍ତି ଉପଜିଲ୍ଲାପାଳ ।
ଏହାବି ପଢନ୍ତୁ : ମୁଖାଗ୍ନି ପାଇଁ ଆସିଲାନି ପୁଅ: ମାଆର ଶେଷଯାତ୍ରାରେ କାନ୍ଧ ଦେଲେ ୬ ଝିଅ
ଯଦି ସେମାନେ ସେହି ସରକାରୀ ଜମି ନ ଛାଡ଼ନ୍ତି । ତେବେ ଜିଲ୍ଲା ପ୍ରଶାସନ ଓ ପୋଲିସ ଦ୍ୱାରା ଜବରଦଖଲକାରୀଙ୍କୁ ସେଠାରୁ ହଟାଇ ଦେବା ପାଇଁ ନିର୍ଦ୍ଧେଶ ଦେଇଛନ୍ତି ଉପଜିଲ୍ଲାପାଳ । ତେବେ ଏନେଇ କ୍ଯାମେରା ସାମନାରେ କୌଣସି ପ୍ରତିକ୍ରିୟା ଦେବାକୁ ମନା କରିଛନ୍ତି ଗୁଣପୁର ତହସିଲଦାର ଶରତ ନାୟକ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
