ରାୟଗଡା: ଜିଲ୍ଲାରେ ଲାଗି ରହିଛି ଲଗାଣ ବର୍ଷା । ବିଭିନ୍ନ ନଦୀରେ ଜଳସ୍ତର ମଧ୍ୟ ବଢି ଚାଲିଛି । କାଶିପୁର ଓ କେସିଙ୍ଗପୁର ସବୁଠୁ ଅଧିକ ପ୍ରଭାବିତ ହେବା ସହ ଗୁଣପୁର ବଂଶଧାରା ନଦୀ କୂଳରେ ସମସ୍ୟା ଉପୁଜୁଛି ବୋଲି ରାୟଗଡା ଜିଲ୍ଲାପାଳ ସୁଧାକର ଶବର କହିଛନ୍ତି । ଅନ୍ୟ ପକ୍ଷରେ ଜିଲ୍ଲାର ସବୁ ତହସିଲଦାର ଓ ବିଡିଓଙ୍କୁ ସଜାଗ ରଖାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ନାଗାବଳୀରେ ବନ୍ୟା ଯୋଗୁଁ ଆନ୍ଧ୍ରପ୍ରଦେଶ ସହ ମଧ୍ୟ ସମନ୍ବୟ ରଖାଯାଇଥିବା ଜିଲ୍ଲାପାଳ କହିଛନ୍ତି । ଏଥିସହ ଉଭୟ ରାୟଗଡା ଓ ଗଜପତି ଜିଲ୍ଲାପାଳ ସ୍ଥିତି ଉପରେ ନଜର ରଖିଛନ୍ତି । ସବୁକୁ ଦୃଷ୍ଟିରେ ରଖି ବଡ ଧରଣର ବନ୍ୟା ପରିସ୍ଥିତିର ମୁକାବିଲା ପାଇଁ ପ୍ରସ୍ତୁତ ଥିବା ଜିଲ୍ଲାପାଳ କହିଛନ୍ତି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
