ରାୟଗଡା: ନିୟମଗିରିରେ କୋଭିଡ଼ ଟେଷ୍ଟକୁ ବିରୋଧ କରିଛନ୍ତି ଡଙ୍ଗରିଆ କନ୍ଧ । ନିୟମଗିରିରେ କୋରୋନା ବୋଲି କିଛି ନାହିଁ । ଆମେ ନିୟମରାଜାକୁ ପୂଜା କରୁଛୁ ଆମର କିଛି ହେବାର ନାହିଁ ବୋଲି କହିଲେ ନିୟମଗିରି ସୁରକ୍ଷା ମଞ୍ଚ ସଭାପତି ସିକକା ଲଦ । ରାୟଗଡା କଲ୍ୟାଣସିଂହପୁର ବ୍ଲକ ନିୟମଗିରି ପାହାଡ଼ ଅଞ୍ଚଳ ପାରସାଲି ପଞ୍ଚାୟତରେ ଆଜି(ମଙ୍ଗଳବାର) କୋଭିଡ ଟେଷ୍ଟ କରିବାକୁ ଯାଇଥିବା ଟିମକୁ ସହଯୋଗ କରୁନାହାଁନ୍ତି ଡଙ୍ଗରିଆ କନ୍ଧ।
କୋଭିଡ ଟେଷ୍ଟକୁ ବିରୋଧ କଲେ ଡଙ୍ଗରିଆ କନ୍ଧ
ଗୋଷ୍ଠୀ ଉନ୍ନୟନ ଅଧିକାରୀଙ୍କ ସହିତ ଏକ ମେଡିକାଲ ଟିମ ପାରସାଲୀ ଠାରେ କ୍ୟାମ୍ପ କରି ଭୂତାଣୁ ପରୀକ୍ଷା କରିବା ନିମନ୍ତେ ଲୋକଙ୍କୁ ଯେତେ ବୁଝାସୁଝା କରିଥିଲେ ହେଁ କେହି ଡ଼ଙ୍ଗରିଆ କନ୍ଧ ସହଯୋଗ କରୁନାହାଁନ୍ତି । ଫଳରେ ପ୍ରଶାସନ ଚିନ୍ତାରେ ପଡିଯାଇଛି । ଏନେଇ ଆଜି ସିଧାସଳଖ ଡାକ୍ତରୀ ଟିମଙ୍କୁ ବିରୋଧ କରିଛନ୍ତି ଏହି କନ୍ଧ ସମାଜ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
