ରାୟଗଡ଼ା: କୋଭିଡ଼ ସ୍ଥିତି ସମିକ୍ଷା ପାଇଁ ରାୟଗଡା ଜିଲ୍ଲାପାଳ ପ୍ରମୋଦ କୁମାର ବେହେରା ପ୍ରଥମେ ବିଷମକଟକ ବ୍ଲକସ୍ଥିତ ଉପ-କାରାଗାର ପରିଦର୍ଶନ କରିଥଲେ । ଜିଲ୍ଲାପାଳଙ୍କ ସହ ଜିଲ୍ଲା ଆରକ୍ଷୀ ଅଧିକ୍ଷକ ଡା.ଶ୍ରବଣ ବିବେକ ଏମ ଏବଂ ଜିଲ୍ଲା ଦୌରାଜର୍ଜ ଚିତରଂଜନ ଦାଶ ମଧ୍ୟ ପରିଦର୍ଶନରେ ଯାଇଥିଲେ । ପରିଦର୍ଶନ ସମୟରେ କାରାଗାରରେ ରହୁଥିବା ଅନ୍ତେବାସୀ, କର୍ମଚାରୀ ଓ ଜେଲର ସହ କିଭଳି ପାଳନ ହେଉଛି କୋଭିଡ଼ ନିୟମ ସେ ନେଇ ଆଲୋଚନା କରିଥିଲେ । ପରେ ଗୁଣପୁର ଗସ୍ତ କରି ଉପଖଣ୍ଡୀୟ ଚିକିତ୍ସାଳୟ ପରିଦର୍ଶନ କରିଥିଲେ ।
ସେଠାରେ କିଭଳି ଚାଲିଛି ରୋଗୀ ସେବା ସେନେଇ ଡାକ୍ତର ମାନଙ୍କ ସହିତ ଆଲୋଚନା କରିଥିଲେ । ପରେ ଜିଲ୍ଲାର ହଟସ୍ପଟ କୁହାଯାଉଥିବା ବିଜୟପୁର ଯାଇ ଲୋକଙ୍କ ସହ ଆଲୋଚନା କରିଛନ୍ତି । ଗୁଣପୁର ବ୍ଲକର ବିଜୟପୁରର ଗୋଟିଏ ଗାଁରେ 95 ଜଣ କରୋନା ଆକ୍ରାନ୍ତ ଚିହ୍ନଟ ପରେ ସିରିଝୋଲି ପଞ୍ଚାଯତ ଉପରେ ତୀକ୍ଷଣ ନଜର ରଖିଛି ଜିଲ୍ଲାପ୍ରଶାସନ ।ଏହା ସହ ବିଷମ କଟକ ଉପ-କାରାଗାର ,କୋଭିଡ ସେଂଟର ସାଙ୍ଗକୁ ବିଜୟପୁର ପରିଦର୍ଶନ କଲେ ଜିଲ୍ଲାପାଳ ।
ରାୟଗଡ଼ାରୁ ରଞ୍ଜନ ରଥ, ଇଟିଭି ଭାରତ
