ରାୟଗଡା: ବେଆଇନ ଗଞ୍ଜେଇ ଚାଲାଣବେଳେ ପୋଲିସର ଚଢାଉ । ଚଢାଉ କରି ପୋଲିସ 61 କିଲୋଗ୍ରାମ ଗଞ୍ଜେଇ ଜବତ କରିଛି । ଏଥିସହ ଚାଲାଣରେ ସମ୍ପୃକ୍ତି ଥିବା 2 ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଗିରଫ ଦ୍ବୟ ବାହାର ରାଜ୍ୟର ବୋଲି ଜଣାପଡିଛି ।
ପୁଣି ଗଞ୍ଜେଇ ଜବତ, 2 ଗିରଫ
ସୂଚନା ଅନୁଯାୟୀ ଗଜପତି ଜିଲ୍ଲା ରାଇପାଙ୍କା ଅଞ୍ଚଳରୁ ପଦ୍ମପୁର ନୂଆଗଡ଼ ଦେଇ ଉତ୍ତରପ୍ରଦେଶକୁ ଚାଲାଣ ହେଉଥିଲା ଗଞ୍ଜେଇ । ଏହି ସମୟରେ ପୋଲିସ ଚଢାଉ କରି 61 କିଲୋଗ୍ରାମ ଗଞ୍ଜେଇ ଜବତ କରିଛି । ଏଥିସହ 2 ଜଣଙ୍କୁ ମଧ୍ୟ ଗିରଫ କରିଛି ପୋଲିସ । ଗିରଫ ଦ୍ବୟ ଉତ୍ତରପ୍ରଦେଶ କୃଷ୍ଣାନଗର ଜିଲ୍ଲା ଅନ୍ତର୍ଗତ ତାକୁଲିୟା ଗାଁର ୨୫ ବର୍ଷୀୟ ଜିତେନ୍ଦ୍ର ଗଣ୍ଡ ଏବଂ ୨୪ ବର୍ଷୀୟ ଅଶୋକ ସିଂ । ଉଭୟଙ୍କୁ ଆଜି(ମଙ୍ଗଳବାର) ଡାକ୍ତରୀମାଇନା ପରେ ଗୁଣପୁର ଏସଡିଜେଏମଙ୍କ କୋର୍ଟରେ ହାଜର କରାଯାଇଥିଲା । ଜାମିନ ନାମଞ୍ଜୁର ହେବା ଫଳରେ ଅଭିଯୁକ୍ତ ଦ୍ବୟଙ୍କୁ ବିଚାର ବିଭାଗୀୟ ହେପାଜତକୁ ପଠାଇ ଦିଆଯାଇଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
