ରାୟଗଡା: ରାୟଗଡା ଜିଲ୍ଳାର ଗୁଣପୁର ପୈାର ପରିଷଦକୁ ବାଦ୍ ଦେଲେ ରାୟଗଡା ମ୍ୟୁନିସିପାଲିଟି ଓ ଗୁଡାରୀ ବିଜ୍ଞାପିତ ଅଞ୍ଚଳ ପରିଷଦ (ଏନଏସି)ରେ ବିଜୁ ଜନତା ଦଳ କ୍ଳିନ୍ ସୁଇପ କରିଛି । ରାୟଗଡା ପୈାରାଧ୍ୟକ୍ଷ ଭାବେ ପି.ମହେଶ ପଟ୍ଟନାୟକ ଏବଂ ଗୁଡାରୀ ଏନଏସି ପୈାରାଧ୍ୟକ୍ଷା ଭାବେ ସରିମିତା ଶବର ନିର୍ବାଚିତ ହୋଇଛନ୍ତି । ତେବେ ବିରୋଧୀ କଂଗ୍ରେସ ଓ ବିଜେପି ରାୟଗଡା, ଗୁଣପୁର ଓ ଗୁଡାରୀରେ ନିଜର ଅମାନତ୍ ହରାଇଥିବା ବେଳେ ଗୁଣପୁର ପୈାରପରିଷଦରେ କିନ୍ତୁ ଭୋଟର ସ୍ବାଧୀନ ପ୍ରାର୍ଥୀନୀ ତଥା ଗୁଣପୁର ଏନଏସିର ପୂର୍ବତନ ପୈାରାଧ୍ୟକ୍ଷ ଶିବପ୍ରସାଦ ଗୈାଡଙ୍କ ପତ୍ନୀ ମମତା ଗୈାଡଙ୍କୁ ବିପୁଳ ପରିମାଣରେ ସମର୍ଥନ କରି ପୈାରାଧ୍ୟକ୍ଷା ଭାବେ ନିର୍ବାଚିତ କରିଛନ୍ତି ।
ଯାହାକି ଜିଲ୍ଳାରେ ଚର୍ଚ୍ଚାର ବିଷୟ ହୋଇଛି । ବିଜୁ ସ୍ଵାସ୍ଥ୍ୟ କଲ୍ୟାଣ ଯୋଜନା ଉପଦେଷ୍ଟା ତଥା ଜିଲ୍ଳା ବିଜେଡି ସଭାପତି ସୁଧୀର କୁମାର ଦାସ, ଅନୁସୂଚିତ ଜାତି ଓ ଜନଜାତି ଉନ୍ନୟନ ମନ୍ତ୍ରୀ ଜଗନ୍ନାଥ ସାରକା, ସ୍ଥାନୀୟ ବିଧାୟକ ରଘୁନାଥ ଗମାଙ୍ଗଙ୍କ ଗୋଟି ଚାଳନାରେ ମଧ୍ୟ ଗୁଣପୁରରେ ଶଙ୍ଖ ଉପରେ ସାଇକେଲ ମାଡି ଯାଇ ବିଜୟୀ ହୋଇଛି । ଯାହାକୁ ନେଇ ଦଳୀୟ ନେତା ଓ କର୍ମୀଙ୍କ ମଧ୍ୟରେ ଉତ୍ସାହ କମି ଯାଇଥିବା ଦେଖିବାକୁ ମିଳିଛି ।
