ରାୟଗଡା:ରାୟଗଡାରେ ମର୍ମନ୍ତୁଦ ସଡକ ଦୁର୍ଘଟଣା । ରାୟଗଡା ଜିଲ୍ଲା ମୁନିଗୁଡା ଥାନା ଅନ୍ତର୍ଗତ ହୁକୁମତଲା ନିକଟସ୍ଥ ବିରଜା ଢ଼ାବା ନିକଟରେ ବାଇକ ଦୁର୍ଘଟଣାରେ ଜଣେ ମୃତ । ଦୁଇ ଗୁରୁତର ଥିବାବେଳେ ଜଣେ ଆହତ ହୋଇଥିବା ଜଣାପଡିଛି l
ସୂଚନା ଅନୁଯାୟୀ, ତେଲେଙ୍ଗାପଦରରୁ ବାଇକ ଯୋଗେ ନିଜ ଗ୍ରାମ ହାଟମୁନିଗୁଡା ଆସୁଥିବା ସମୟରେ ବିପରୀତ ଦିଗରୁ ଏକ ପୋଲିସର ବାଇକ ମୁହାମୁହିଁ ଧକ୍କା ହୋଇଥିଲା । ଫଳରେ ଚାରି ଜଣ ଗୁରୁତର ଭାବେ ଆହାତ ହୋଇଥିଲେ ପ୍ରଥମେ ଚାରି ଜଣଙ୍କୁ ଆମ୍ବୁଲାନ୍ସ ଯୋଗେ ମୁନିଗୁଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଅଣାଯାଇଥିଲା । ସ୍ବାସ୍ଥ୍ୟ କେନ୍ଦ୍ର ପହଞ୍ଚିବା ପରେ ସ୍ବାସ୍ଥ୍ୟ କେନ୍ଦ୍ରରେ ଡାକ୍ତର ଜଣଙ୍କର ମୃତ୍ୟୁ ହୋଇଥିବା ସୂଚନା ଦେବା ସହ ଦୁଇ ଜଣଙ୍କ ଅବସ୍ଥା ଗୁରୁତର ଥିବା କହିଥିଲେ l
ମୃତକ ଜଣକ କନ୍ଧମାଳ ଜିଲ୍ଲାର ବଣ୍ଡାପିପିଲି ଅଞ୍ଚଳର ସୁକ୍ରୁ ଗୌଡ଼ ବୋଲି ଜଣାପଡ଼ିଛି l ଗୁରୁତର ଆହାତ ମାନେ ହେଲେ ବିଷମକଟକ ବ୍ଲକ ହାଟମୁନିଗୁଡା ଗ୍ରାମର ଅଭି ଗଙ୍ଗାଦଦୋରା,ସୁମନ ଗରଲେ ଏବଂ ପ୍ରତିକି ସେନାପତି ସାମାନ୍ୟ ଆହାତ ହୋଇଛନ୍ତି l ଘଟଣା ସ୍ଥଳକୁ ମୁନିଗୁଡା ଥାନା ଏସଆଇ ନରସିଂହ ବେହେରାଙ୍କ ସମେତ ଅନ୍ୟ ପୋଲିସ କର୍ମଚାରୀ ପହଞ୍ଚି ଦୁଇ ବାଇକ ଜବତ କରିବା ସହ ଅଧିକ ତଦନ୍ତ ଜାରି ରଖିଛନ୍ତି l
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
