ରାୟଗଡ଼ା: କୋଡ଼ିଏ ଫୁଟ ତଳକୁ ଖସିପଡିଛି ଏକ ଯାତ୍ରୀବାହୀ ଅଟୋ । ଫଳରେ ଡ୍ରାଇଭରର ମୃତ୍ୟୁ ଘଟିଥିବାବେଳେ ୭ ଜଣ ଆଶା କର୍ମୀ ଗୁରୁତର ଭାବେ ଆହତ ହୋଇଛନ୍ତି । ଏହି ଦୁର୍ଘଟଣା ଘଟିଛି ରାୟଗଡ଼ା ଜିଲ୍ଲା କାଶୀପୁର ବ୍ଲକର କୁସୁମଘାଟିରେ ।
୨୦ ଫୁଟ ତଳକୁ ଖସିଲା ଅଟୋ, ଜଣେ ମୃତ ୭ ଗୁରୁତର
ମାଣ୍ଡିବିଶୀ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ବୈଠକ ସାରି ସିରିପାଇ ପଞ୍ଚାୟତ ମିନାଖୁଣ୍ଟି ଗାଁକୁ ଫେରୁଥିବାବେଳେ ଭାରସାମ୍ୟ ହରାଇ ୨୦ ଫୁଟ ତଳକୁ ଖସିଛି ଅଟୋ । ଫଳରେ ଅଟୋ ଚାଳକ ଯୁଧିଷ୍ଠିର ନାୟକଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା ଏବଂ ଆହତଙ୍କୁ କାଶୀପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଘଟଣାସ୍ଥଳରେ କାଶୀପୁର ପୋଲିସ ପହଞ୍ଚିବା ସହ ଘଟଣାର ତଦନ୍ତ କରୁଛି ।
ରାୟଗଡ଼ାରୁ ରଞ୍ଜନ ରଥ, ଇଟିଭି ଭାରତ
