ରାୟଗଡା: ଅସହାୟ ପ୍ରବାସୀ ଶ୍ରମିକଙ୍କୁ ସହାୟତା ଯୋଗାଇ ଦେବାକୁ ଜିଲ୍ଲାରେ ଖୋଲିଲା ସହାୟତା କେନ୍ଦ୍ର । ରାଜ୍ୟ ଆଇନସେବା ପ୍ରାଧିକରଣ ନିର୍ଦ୍ଦେଶ କ୍ରମେ ଜିଲ୍ଲା ପ୍ରଭାଗୀୟ ଶ୍ରମ ଆୟୁକ୍ତଙ୍କ କାର୍ଯ୍ୟାଳୟ ପରିସରରେ ଏହି ସହାୟତା କେନ୍ଦ୍ର ଖୋଲା ଯାଇଛି । ଜିଲ୍ଲା ଦୌରାଜର୍ଜ ଚିତ୍ତରଞ୍ଜନ ଦାଶ ଏହାକୁ ଉଦଘାଟନ କରିଛନ୍ତି ।
ଅସହାୟ ପ୍ରବାସୀଙ୍କୁ ଆଇନ ସେବା ପ୍ରଦାନ ଯୋଗାଇବାକୁ ଖୋଲିଲା ସହାୟତା କେନ୍ଦ୍ର
ଏହି ଅବସରରେ ଅତିଥି ଭାବେ ଜିଲ୍ଲା ଆଇନସେବା ସମ୍ପାଦକ ମନୋରଞ୍ଜନ ମିଶ୍ର, ମୁଖ୍ୟ ବିଚାର ବିଭାଗୀୟ ଜଜ ମନୋରଞ୍ଜନ ଦାଶ, ରେଜିଷ୍ଟ୍ରାର ପ୍ରତିମା ପାତ୍ର, ବରିଷ୍ଠ ବିଚାର ବିଭାଗୀୟ ଜଜ ଶତରୂପା ଶତପଥୀ ଓ ପ୍ରଥମ ଶ୍ରେଣୀ ବିଚାର ବିଭାଗୀୟ ଜଜ ସୁବେନ୍ଧୁ ପଣ୍ଡା ପ୍ରମୁଖ ଉପସ୍ଥିତ ରହିଥିଲେ । ତେବେ ପ୍ରବାସୀ ଶ୍ରମିକଙ୍କୁ ଆଇନସେବା ପ୍ରଦାନ ସମେତ ସେମାନଙ୍କର ବିଭିନ୍ନ ସମସ୍ୟା ସଂକ୍ରାନ୍ତରେ ଆଇନର ସହାୟତା ଯୋଗାଇ ଦେବା ଲକ୍ଷ୍ୟରେ ଏହି କେନ୍ଦ୍ର ଆରମ୍ଭ କରାଯାଇଛି ବୋଲି ସମ୍ପାଦକ ମନୋରଞ୍ଜନ ମିଶ୍ର ସୂଚନା ଦେଇଛନ୍ତି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
